ఈ మధ్య కాలంలో ఈ ఛానెల్ ఆ ఛానెల్ అనే తేడాల్లేకుండా ఆన్ని ఛానెళ్లు పండుగల సమయంలో ఈవెంట్లు నిర్వహిస్తున్న సంగతి తెలిసిందే.మంచి టీఆర్పీ రేటింగ్ లు వస్తుండటంతో ప్రముఖ ఎంటర్టైన్మెంట్ ఛానెల్స్ అన్నీ ఈవెంట్ల బాట పడుతున్నాయి.
అయితే ఈ ఈవెంట్ల పేరిట ఛానెళ్లు చేస్తున్న ప్రయోగాలపై ప్రేక్షకుల నుంచి భిన్నాభిప్రాయాలు వ్యక్తమవుతూ ఉండటం గమనార్హం.
ఉగాది పండుగ సందర్భంగా స్టార్ మా ఛానెల్ లో మా ఉగాది వేడుక పేరుతో ఒక ఈవెంట్ ప్రసారమైంది.
ఈ ఈవెంట్ లో అవినాష్ అరియానా జంటగా ఒక పాటకు డ్యాన్స్ వేశారు.బిగ్ బాస్ షో ద్వారా గుర్తింపును సంపాదించుకున్న ఈ జోడీ డ్యాన్స్ వేయడంలో ఆశ్చర్యం లేకపోయినా శృతి మించిన రొమాన్స్ పై నెటిజన్లు ట్రోల్ చేస్తున్నారు.
పండుగ సమయంలో పిల్లలతో కలిసి చూసే షోలో హద్దు మీరి అరియానా, అవినాష్ ప్రవర్తించారని నెటిజన్లు అభిప్రాయపడుతున్నారు.
వాన పాటకు స్టెప్పులు వేసిన ఈ జంటకు నెటిజన్లు చీవాట్లు పెడుతున్నారు.
బిగ్ బాస్ షో ద్వారా అవినాష్ అరియానా మంచి ఫ్రెండ్స్ గా గుర్తింపును సంపాదించుకున్నారు.అయితే బిగ్ బాస్ హౌస్ కంటే హౌస్ నుంచి బయటకు వచ్చిన తరువాతే ఈ జోడీకి మంచి గుర్తింపు వచ్చింది.
కామెడీ స్టార్స్ కామెడీ షోలో అవినాష్ అరియానా కలిసి చేసిన స్కిట్లు సక్సెస్ అయ్యాయి.అలా ఈ జోడీకి మంచి పేరు వచ్చింది.
అయితే తాజాగా ఈవెంట్ లో శృతి మించిన రొమాన్స్ తో అవినాష్, అరియానా వచ్చిన మంచి పేరును పోగొట్టుకున్నారు.నెటిజన్లు తీవ్రస్థాయిలో ట్రోల్ చేస్తున్న నేపథ్యంలో నెటిజన్ల నుంచి వ్యక్తమవుతున్న కామెంట్లకు ఈ జోడీ ఏ విధంగా స్పందిస్తుందో చూడాల్సి ఉంది.