బాలీవుడ్ లో నటిగా, గాయనిగా గుర్తింపు తెచ్చుకొని బిగ్ బాస్ ద్వారా తన ఇమేజ్ ని పెంచుకున్న షెహనాజ్ గిల్ ని ప్రత్యేకంగా పరిచయం చేయాల్సిన అవసరం లేదు.అయితే ఇప్పుడు ఈమె తండ్రి చేసిన పని వలన ఈమె గురించి బీటౌన్లో అందరూ మాట్లాడుకుంటున్నారు.
ఆమె తండ్రి సంతోఖ్ సింగ్ 20 ఏళ్ల అమ్మాయిని తుపాకీతో బెదిరించి అత్యాచారం చేశాడు.మే 14వ తేదీన ఈ దారుణం జరిగినప్పటికీ ఫిర్యాదు చేసేందుకు బాధితురాలి కుటుంబం భయపడింది.
అయితే ఓ వ్యక్తి చొరవ తీసుకోవడంతో బాధితురాలు ముందుకొచ్చి ఫిర్యాదు చేసింది.దీంతో రేప్ కేసు నమోదు చేసిన పోలీసులు దర్యాప్తు ప్రారంభించారు.
ఈ ఘటన బాలీవుడ్ లో చర్చనీయాంశంగా మారింది.
మే 14న బాధిత యువతి స్నేహితురాలితో కలసి మరో స్నేహితుడు సిద్ధూను కలవడానికి బాధితురాలు బియాస్ గ్రామానికి వెళ్లింది.
వాళ్ళు గ్రామానికి చేరుకునే సమయంలో అక్కడకు వచ్చిన సంతోఖ్ సింగ్ తుపాకీ గురిపెట్టి ఆమెను కారులోకి తోశాడు.చంపుతానని బెదిరించి అత్యాచారానికి పాల్పడ్డాడు.తరువాత ఆమెని వదిలేసి వెళ్ళిపోయాడు.బాధితురాలి ఫిర్యాదు మేరకు పోలీసులు కేసు నమోదు చేశారు.
సాక్ష్యాలను సేకరించే పనిలో పోలీసులు ఉన్నారు.ఇక త్వరలో అతనిని అరెస్ట్ చేయడానికి పోలీసులు రంగం సిద్ధం చేస్తున్నారు.
