యంగ్ హీరో నితిన్ నటించిన రీసెంట్ మూవీ భీష్మ, ఇటీవల విడుదలై బాక్సాఫీస్ వద్ద ఎలాంటి విజయాన్ని అందుకుందో అందరికీ తెలిసిందే.పూర్తి రొమాంటిక్ కామెడీ ఎంటర్టైనర్గా ఈ సినిమాను వెంకీ కుడుముల డైరెక్ట్ చేయడంతో ఈ సినిమా ప్రేక్షకులను అలరించడంలో సక్సెస్ అయ్యింది.
ఇక ఈ సినిమాలో నితిన్ పర్ఫార్మెన్స్కు ప్రేక్షకుల నుండి మంచి స్పందన లభించడంతో ఈ సినిమాను చూసేందుకు అన్ని వర్గాల ప్రేక్షకులు ఆసక్తి చూపించారు.
నితిన్కు మంచి ఫాలోయింగ్ ఉన్న ఓవర్సీస్లోనూ ఈ సినిమా దుమ్ములేపింది.
ముఖ్యంగా యూఎస్లో ఈ సినిమాకు మంచి రెస్పాన్స్ వచ్చింది.ఈ సినిమా రెండు వారాలు ముగిసే సరికి ఏకంగా $964కె వసూళ్లు సాధించింది.
మిలియన్ మార్క్ను ఈ సినిమా అవలీలగా చేరుతుందని అందరూ అనుకున్నారు.కానీ అమెరికాలోనూ కరోనా ఎఫెక్ట్ ఉండటంతో సినిమా థియేటర్లకు జనం రావడం తగ్గించారు.
దీంతో ఈ సినిమా మ్యాజిక్ ఫిగర్ను చేరుకోవాలంటే మరో $36కె కలెక్ట్ చేయాల్సి ఉంది.
నితిన్ హీరోగా నటించిన ఈ సినిమాలో అందాల భామ రష్మిక మందన్న హీరోయిన్గా నటించింది.
పూర్తి రొమాంటిక్ కామెడీ ఎంటర్టైనర్గా తెరకెక్కిన ఈ సినిమా యూఎస్లో మిలియన్ మార్క్ను టచ్ చేస్తుందా లేదా అనేది చూడాలి.