దర్శకుడు వెంకీ కుడుముల డైరెక్ట్ చేసిన తాజా చిత్రం భీష్మ ఇటీవల రిలీజ్ అయ్యింది.యంగ్ హీరో నితిన్, అందాల భామ రష్మికలు కలిసి ఈ సినిమాలో నటిస్తుండటంతో ప్రేక్షకుల్లో ఈ సినిమాపై మంచి అంచనాలు క్రియేట్ అయ్యాయి.
ఇక నితిన్కు తెలుగు రాష్ట్రాల్లో ఎంత ఫాలోయింగ్ ఉందో, ఓవర్సీస్లో కూడా అంతే ఫాలోయింగ్ ఉంది.
ఇక భీష్మ చిత్రం కామెడీ ఎంటర్టైనర్గా తెరకెక్కడంతో ఈ సినిమాను చూసేందుక అక్కడి జనాలు కూడా ఆసక్తి చూపుతున్నారు.
క్లాస్ ప్రేక్షకులను ఆకట్టుకోవడం భీష్మ విజయం సాధించడంతో ఈ సినిమా అక్కడ కలెక్షన్ల వర్షం కురిపించింది.ప్రీమియర్స్ ద్వారా భీష్మ చిత్రం 143 లొకేషన్స్లో $94,744 వసూళ్లు సాధించగా, శుక్రవారం 144 లొకేషన్స్ నుండి $151,697 వసూళ్లు సాధించింది.ఇక శనివారం రాత్రి 10.15 నిమిషాల వరకు ఈ సినిమా 136 లొకేషన్స్లో $234,564 కలెక్ట్ చేసింది.
ఈ వసూళ్లు మొత్తం $481,005 గ్రాస్ కలెక్షన్స్గా నిలవడంతో భీష్మ చిత్రం శనివారం పూర్తి లెక్కలు బయటపడే వరకు హాఫ్ మిలియన్ మార్కును అవలీలగా దాటేస్తుందని ట్రేడ్ వర్గాలు అంటున్నాయి.ఇక తొలి వీకెండ్ ముగిసే సరికి ఈ సినిమా ఎంతమేర వసూళ్లు సాధిస్తుందా అనే ఆసక్తి సర్వత్రా నెలకొంది.