మళ్లీ వస్తామంటున్న భీష్మ కాంబో..?

యంగ్ హీరో నితిన్ నటించిన తాజా చిత్రం భీష్మ రిలీజ్‌కు రెడీ అవుతోంది.

ఈ సినిమా ఔట్ అండ్ ఔట్ కమర్షియల్ ఎంటర్‌టైనర్‌గా తెరకెక్కడంతో ఈ సినిమా ఖచ్చితంగా హిట్ అవుతుందని చిత్ర యూనిట్ భావిస్తోంది.

వెంకీ కుడుముల డైరెక్ట్ చేస్తున్న ఈ సినిమా పూర్తి కామెడీ ఎంటర్‌టైనర్‌గా రానుండటంతో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.అయితే ఈ సినిమాకు నిర్మాతలు అనుకున్న బడ్జెట్‌ కంటే కూడా ఎక్కువ కావడంతో నిర్మాతలు తీవ్ర అసంతృప్తిగా ఉన్నారట.కానీ తాజాగా ఈ చిత్ర ప్రీరిలీజ్ బిజినెస్‌లో నిర్మాతలకు ఏకంగా రూ.10 కోట్ల లాభం రావడంతో వారు సంతోషంగా ఉన్నారట.ఇప్పుడు ఈ సినిమాకు అదిరిపోయే బజ్ రావడంతో ఈ సినిమా ఇంకా ఎలాంటి వండర్స్ క్రియేట్ చేస్తుందా అని చిత్ర యూనిట్ ఆశగా ఎదురుచూస్తోంది.

కాగా మరోసారి వెంకీ కుడుముల డైరెక్షన్‌లో నితిన్ నటించేందుకు ఆసక్తి చూపుతున్నట్లు తెలుస్తోంది.ఈ సినిమా అనుకున్నట్లుగా భారీ లాభాలను తెచ్చిపెడితే భీష్మ కాంబో రిపీట్ కావడం ఖాయమని అంటున్నారు చిత్ర యూనిట్.

ఇక ఈ సినిమాలో నితిన్ సరసన రష్మిక మందన హీరోయిన్‌గా నటిస్తోండగా మహతి స్వర సాగర్ సంగీతం అందిస్తున్నారు.ఈ సినిమాతో నితిన్ ఎలాంటి బ్లాక్‌బస్టర్ అందుకుంటాడా అని అందరూ ఆతృతగా ఎదురుచూస్తున్నారు.