పేలు.ఎంద‌రినో బాధించే కామ‌న్‌ స‌మ‌స్య ఇది.త‌ల‌లో ఒక్క పేను ప‌డిందంటే చాలు.రెండు, మూడు రోజుల్లోనే కుప్ప తెప్ప‌లుగా పెరిగి పోతుంటాయి.
వాటి వ‌ల్ల దుర‌ద, ఇరిటేష‌న్ విప‌రీతంగా ఉంటుంది.అలాగే పేలు మన ర‌క్తాన్ని ఆహారంగా తీసుకోవ‌డం వ‌ల్ల చాలా మంది ర‌క్త హీన‌త‌కు కూడా గుర‌వుతుంటారు.
అందుకే పేల‌ను వ‌దిలించుకోవ‌డం కోసం విశ్వ ప్ర‌య‌త్నాలు చేస్తుంటారు.ఈ క్ర‌మంలోనే మార్కెట్‌లో ల‌భించే పేల మందును వాడుతుంటారు.
కానీ, ఇప్పుడు చెప్ప‌బోయే చిట్కాల‌ను పాటిస్తే చాలా సుల‌భంగా పేల‌ను పోగొట్టుకోవ‌చ్చు.మ‌రి ఇంకెందుకు ఆలస్యం ఆ చిట్కాలు ఏంటో ఓ చూపు చూసేయండి.
ముందుగా ఐదు నుంచి ఏడు క‌ర్పూరం బిళ్ల‌ల‌ను తీసుకుని మెత్త‌గా పొడి చేసుకోవాలి.ఇప్పుడు ఈ క‌ర్పూరం బిళ్ల‌ల పొడిలో మూడు స్పూన్ల వాసెలిన్‌ను క‌లిపి బాగా మిక్స్ చేసుకోవాలి.
ఆ త‌ర్వాత ఈ మిశ్ర‌మాన్ని త‌ల‌కు ప‌ట్టించి.అర‌గంట పాటు వ‌దిలేస్తే పేలు అన్నీ చ‌చ్చిపోతాయి.
ఆపై కెమిక‌ల్స్ త‌క్కువ‌గా ఉండే షాంపూను యూజ్ చేసి గోరు వెచ్చ‌ని నీటితో త‌ల స్నానం చేయాలి.వారంలో ఒక్క సారి ఇలా చేస్తే పేల స‌మ‌స్యే ఉండ‌దు.
అలాగే మ‌రో విధంగా కూడా పేల‌ను పోగొట్టుకోవ‌చ్చు.ఐదారు వెల్లుల్లి రెబ్బ‌ల‌ను తీసుకుని పొట్టు తీసి మెత్త‌గా పేస్ట్ చేసుకోవాలి.ఇప్పుడు వెల్లుల్లి పేస్ట్‌లో అర స్పూన్ మిరియాల పొడి, రెండు టేబుల్ స్పూన్ల నిమ్మ ర‌సం, ఒక స్పూన్ పెరుగు వేసుకుని మిక్స్ చేసుకోవాలి.ఆపై ఈ మిశ్ర‌మాన్ని త‌ల‌కు ప‌ట్టించి గంట పాటు ష‌వ‌ర్ క్యాప్ పెట్టేసుకోవాలి.
ఆపై మైల్డ్ షాంపూతో త‌ల స్నానం చేయాలి.ఇలా వారంలో ఒక సారి చేసినా పేల‌న్నీ పరార్ అవుతాయి.
