బాలకృష్ణ సినిమాలో కీలక పాత్రలో బెల్లకొండ శ్రీనివాస్

బాలకృష్ణ హీరోగా బోయపాటి శ్రీను దర్శకత్వంలో హ్యాట్రిక్ చిత్రం రూపొందుతున్న సంగతి విదితమే.బాలకృష్ణ కెరియర్ లోనే భారీ బడ్జెట్ తో ఈ సినిమా తెరకెక్కబోతుంది.

 Bellamkonda Srinivas Cameo Role In Balakrishna Movie, Boyapati Srinu, Tollywood,-TeluguStop.com

ఇక ఈ సినిమాలో బాలకృష్ణ మరోసారి ద్విపాత్రాభినయం చేయబోతున్నాడు.ఇప్పటికే ఈ సినిమాకి సంబంధించి ఆర్టిస్ట్ సెలక్షన్ కూడా జరిగిపోయింది.

ఫస్ట్ షెడ్యూల్ కూడా పూర్తయ్యింది.లాక్ డౌన్, కరోనా కారణంగా సినిమా షూటింగ్ వాయిదా పడింది.

బాలయ్య ఈ సినిమాలో అఘోరా పాత్రలో కనిపించబోతున్నట్లు ఇప్పటికే బోయపాటి ప్రకటించాడు.ఇదిలా ఉంటే ఈ సినిమా గురించి మరో ఆసక్తికరమైన వార్త టాలీవుడ్ గట్టిగా వినిపిస్తుంది.

ఈ సినిమాలో వరుస కమర్షియల్ సినిమాలతో సోలో హీరోగా దూసుకుపోతున్న బెల్లంకొండ శ్రీనివాస్ కీలక పాత్రలో కనిపించబోతున్నాడని టాక్ నడుస్తుంది.

ఈ సినిమాలో ఫ్లాష్ బ్యాక్ లో వచ్చే కీలక సన్నివేశాలలో బెల్లంకొండ శ్రీనివాస్ కనిపిస్తాడని, అతని మీద ఒక యాక్షన్ సీక్వెన్స్ కూడా ఉందని చెప్పుకుంటున్నారు.

అయితే ఈ విషయాన్ని సినిమా రిలీజ్ వరకు గోప్యంగా ఉంచాలని బోయపాటి అనుకుంటున్నట్లు తెలుస్తుంది.బెల్లంకొండ శ్రీనివాస్ ని జయ జానకి నాయక రూపంలో బోయపాటి సాలిడ్ హిట్ ఇచ్చాడు.

ఆ సినిమా నిర్మాతగా వ్యవహరించిన మిర్యాల రవీంద్రబాబు బాలకృష్ణ సినిమాకి కూడా నిర్మాతగా ఉన్నాడు.ఈ నేపధ్యంలోనే తనకి బ్లాక్ బస్టర్ హిట్ ఇచ్చిన దర్శక, నిర్మాతలు అడగడంతో బెల్లంకొండ శ్రీనివాస్ కాదనలేక చేయడానికి ఒకే చెప్పటానికి తెలుస్తుంది.

అయితే ఈ వార్తలలో వాస్తవం ఎంత అనేది తెలియాలంటే చిత్ర యూనిట్ కన్ఫర్మ్ చేసేంత వరకు వేచి చూడాల్సిందే.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube