ముందు నోరు జారడం... ఆపై నాలుక్కరుచుకోవడం ! ఇదే నేటి రాజకీయం !

గత ఎన్నికలకు ముందు చేపట్టిన ప్రచారంలో భాగంగా…తాము అధికారంలోకి రాగానే ఏపీకి ప్రత్యేక హోదా అన్నేళ్లు ఇస్తామని, మోదీ , చంద్రబాబు, వెంకయ్య నాయుడు హామీలు ఇచ్చారు.కానీ ఆ సంగతి మర్చిపోయి ఇప్పుడు ప్లేట్ ఫిరాయించేస్తున్నారు.చంద్రబాబు ఒక అడుగు ముందుకు వేసి మరీ ఏపీకి ప్రత్యేక హోదా అవసరమే లేదని, ప్రత్యేక ప్యాకేజి సరిపోతుందని అసెంబ్లీలనే గొంతు చించుకుని మరీ చెప్పాడు.కానీ మారిన రాజకీయ పరిస్థితుల నేపథ్యంలో హోదా నే కావాలి అంటూ బాబు అమాయకుడిలా మాట్లాడుతున్నాడు.

తాజాగా కాపు రిజర్వేషన్లపై వైఎస్ జగన్ యూటర్న్ తీసుకున్నారని కాపు ఉద్యమనేత ముద్రగడ పద్మనాభం విమర్శలు చేశారు.తూర్పుగోదావరి జిల్లా జగ్గంపేట బహిరంగ సభలో కాపులకు రిజర్వేషన్లు కల్పించడం నాచేతిలో లేదని కేంద్రం చేతిలో ఉందని జగన్‌ చెప్పడం ఇప్పుడు వివాదస్పదం అవుతోంది.

తాను చేయగలినవే చెబుతానని, చంద్రబాబులా మోసం చేయలేనని జగన్‌ చెప్పడం ముద్రగడకు నచ్చలేదు.కాపు రిజర్వేషన్లను అసెంబ్లీలో సమర్థించిన జగన్ ఇప్పుడు యూటర్న్‌ తీసుకున్నాడని ముద్రగడ ఆరోపిస్తున్నారు.

జనసేన అధినేత పవన్‌ యూటర్న్‌లు ఉన్నాయి.గొంతు చించుకుని మరీ బరువైన డైలాగులు చెప్పడం తప్ప ఏ పనీ చేయలేదు.

కేంద్రంపై అవిశ్వాసం పెట్టండి నేను 50 మంది ఎంపీల మద్దతు కూడగడతా అంటూ పవన్ గొప్పలు చెప్పుకున్నాడు తప్ప ఆయన చేసింది ఏమీ లేదు.ఈ సంగతి అందరికి తెలుసు.