బరువు త‌గ్గాల‌ని ప్ర‌య‌త్నించే వారు నేటి కాలంలో కోట్ల సంఖ్య‌లో ఉన్నారు.నేటి కాలంలో మారిన జీవన శైలి, ఆహార‌పు అల‌వాట్లు.
ఇత‌రిత‌ర కార‌ణాల వ‌ల్ల అధిక బరువు స‌మ‌స్యను వ‌య‌సుతో సంబంధం లేకుండా చాలా మందిని వేధిస్తోంది.ఇక బరువు త‌గ్గేందుకు డైటింగ్‌లు, వ్యాయామాలు చేస్తుంటారు.
అయితే వాటితో పాటు సబ్జా గింజలను డైట్‌లో చేర్చుకుంటే.మ‌రింత సులువుగా బ‌రువును త‌గ్గించుకోవ‌చ్చు.
భోజనానికి కాస్త ముందు గ్లాసు నీళ్లలో సబ్జా గింజలను వేసుకుని తాగాలి.
ఇలా చేయ‌డం వ‌ల్ల క‌డుపు నిండిన భావ‌న క‌లగుతుంది.
అలాగే సబ్జా గింజల్లో కేల‌రీలు త‌క్కువ‌గా ప్రోటీన్ ఎక్కువ ఉండ‌డం వ‌ల్ల ఆక‌లిని త‌గ్గిస్తుంది.దీంతో వేరే ఆహారాన్ని ఎక్కువ‌గా తీసుకోలేరు.
త‌ద్వారా అధిక బ‌రువుకు చెక్ పెట్ట‌వ‌చ్చు.సబ్జా గింజ‌ల‌తో మ‌రిన్ని ఆరోగ్య ప్ర‌యోజ‌నాలు కూడా ఉన్నాయి.
డయాబెటిస్ స‌మ‌స్య ఉన్న వారికి సబ్జా గింజలు అద్భుతంగా స‌హాయ‌ప‌డ‌తాయి.ప్రతి రోజు సబ్జా గింజ‌ల నీటిని తీసుకోవ‌డం వ‌ల్ల బ్ల‌డ్ షుగ‌ర్ లెవ‌ల్స్ అదుపులో ఉంటాయ‌ని అంటున్నారు ఆరోగ్య నిపుణులు.
అలాగే మలబద్ధకం ఉన్న వారు ఒక గ్లాసు సబ్జా నీటిని తీసుకుంటే మంచిది.ఎందుకంటే.సబ్జా గింజల్లో పీచు పదార్థం పుష్క‌లంగా ఉంటుంది.ఇది జీర్ణ వ్యవస్థను సరిచేసి మలబద్ధకాన్ని పోగొడుతుంది.
మ‌రియు జీర్ణ శ‌క్తిని కూడా పెంచుతుంది.త‌ల‌నొప్పిగా ఉన్న‌ప్పుడు, నీర‌సంగా ఉన్న‌ప్పుడు, ఒత్త‌డిగా ఉన్న‌ప్పుడు సబ్జా గింజ‌ల నీటిని తాగితే.
త‌క్ష‌ణ ఉప‌శ‌మ‌నం ల‌భిస్తుంది.
జ‌లుబు, ద‌గ్గు, గొంతు నొప్పి ఉన్న వారికి కూడా సబ్జా గింజలు గ్రేట్‌గా స‌హాయ‌ప‌డ‌తాయి.
అలాంటి వారు ఒక గ్లాస్ సబ్జా గింజ‌ల నీటిలో అల్లం రసం, తేనే కలిపి తాగితే స‌మ‌స్య‌ల నుంచి బ‌య‌ట‌ప‌డ‌వ‌చ్చు.ఇక సబ్జా నీరు ప్రతి రోజు తీసుకుంటే శ‌రీరంలో హైడ్రేటెడ్‌గా ఉంటుంది.
చిన్న పిల్ల‌ల‌కు కూడా సబ్జా గింజ‌ల నీరు ఇవ్వొచ్చు.వారి ఆరోగ్యానికి కూడా సబ్జా ఎంతో మేలు చేస్తుంది.
