బంగ్లాదేశ్ క్రికెటర్ లిటన్ దాస్ ఇంట్లో భారీ గ్యాస్ పేలుడు సంభవించినట్లు తెలుస్తుంది.అయితే తృటిలో పెను ప్రమాదం తప్పినట్లు తెలుస్తుంది.
టీ పెట్టుకోవడానికి అని వంటగదిలోకి వెళ్లిన దాస్ భార్య దేవశ్రీ బిశ్వాస్ సంచిత(27) స్టవ్ ఆన్ చేయడం తో ఒక్కసారిగా సిలిండర్ పేలినట్లు తెలుస్తుంది.ఈ నేపథ్యంలో కిచెన్ కేబినెట్ కూలడం తో చేతులకు,ముఖానికి గాయాలు అయినట్లు ఆమె వెల్లడించారు.
అయితే రెండు రోజుల క్రితం ఈ ప్రమాదం చోటుచేసుకోగా ఈ రోజు వెల్లడించారు.‘చావు వరకు వెళ్లి తప్పించుకున్నాను.
చేతులను అడ్డం పెట్టుకోవడం తో ముఖానికి పెద్దగా గాయాలు కాలేదని, లేకపోతే ముఖమంతా కాలిపోయేది అని ఆమె వెల్లడించారు.అంతేకాకుండా గ్యాస్ సిలిండర్ వాడేసమయంలో చాలా జాగ్రత్తలు పాటించండి అని కూడా ఆమె కోరారు.
2019 వరల్డ్ కప్ క్రికెట్ అయిపోయాక దాస్, సంచిత పెళ్లి చేసుకున్న విషయం తెలిసిందే.కాగా ప్రపంచ దేశాలు ఎదుర్కొంటున్న కరోనా మహమ్మారి పై పోరాటానికి తన వంతు గా దాస్ బంగ్లా క్రికెట్ బోర్డు తనకిస్తున్న జీతాన్ని విరాళంగా ప్రకటించారు.