నిర్మాత బండ్ల గణేష్ తెలియని సినిమా ప్రేక్షకులు ఉండరు అంటే అతిశయోక్తి కాదు.ఒక కమెడియన్ గా సినిమా పరిశ్రమలో ఎంట్రీ ఇచ్చినా నిర్మాతగా మారిన తర్వాత సినీ ప్రేక్షకులకు మరింత దగ్గరయ్యారు.
తరువాత నిర్మాతగా మారిన తరువాత పలు బ్లాక్ బస్టర్ సినిమాలతో ఒక్కసారి టాలీవుడ్ బడా నిర్మాతలలో ఒకరిగా మంచి పేరు తెచ్చుకున్నారు.అయితే పవన్ కళ్యాణ్ హీరోగా హరీష్ శంకర్ దర్శకత్వంలో బండ్ల గణేష్ నిర్మాతగా గబ్బర్ సింగ్ సినిమా ఎంత పెద్ద బ్లాక్ బస్టర్ హిట్ అయిందో మనం చూసాం.
ఇది ఒక వైపు అయితే పవన్ కళ్యాణ్ కు బండ్ల గణేష్ వీరాభిమాని అన్న విషయం తెలిసిందే.పవన్ కళ్యాణ్ సినిమా ఆడియో రిలీజ్ ఫంక్షన్ లో పాటల కోసం కన్నా బండ్ల గణేష్ స్పీచ్ కోసం ఎదురుచూస్తారంటే అభిమానులలో బండ్ల గణేష్ కి ఉన్న క్రేజ్ ఏంటో మనం ఇట్టే అర్థం చేసుకోవచ్చు.
ఐతే ప్రతి విషయంలో పవన్ కళ్యాణ్ ను ఆకాశానికెత్తే బండ్ల గణేష్ ఈసారి రూటు మార్చి పవన్ రాజకీయాలపై సంచలన వ్యాఖ్యలు చేసారు.పవన్ అన్న రావాలి…పాపలు పోవాలి అని బండ్ల గణేష్ ట్వీట్ చేసాడు.
అయితే ఈ వ్యాఖ్యలు వెనుక ఎవరిని ఉద్దేశించి ఈ వ్యాఖ్యలు చేశారనేది తెలియరాలేదు.ఏది ఏమైనా ఈ వ్యాఖ్యలు ప్రస్తుతం సోషల్ మీడియాలో వైరల్ గా మారాయి.