కాలు విరిగినా పరీక్ష.. 114 ఏళ్ల టాటా స్టీల్ చరిత్రలో తొలి యువతి.. గాయత్రి సక్సెస్ కు ఫిదా అవ్వాల్సిందే!

సాధారణంగా ఈతరం అమ్మాయిలు ఏసీ గదులలో పని చేయడానికి ఇష్టపడతారు.హైదరాబాద్ కు చెందిన బండి గాయత్రి( Bandi Gayatri ) మాత్రం బిందాస్ గా ఏసీలో చేసే ఉద్యోగం వద్దని భూ గర్భ గనిలో పని చేసే కొలువును ఎంచుకున్నారు.

114 సంవత్సరాల టాటా స్టీల్( TATA Steel ) చరిత్రలో ఈ ఛాన్స్ దక్కించుకున్న బండి గాయత్రి కావడం గమనార్హం.చిన్నప్పటి నుంచి ఏ పని చేసినా స్పెషలిటీ ఉండాలని కోరుకునేదానినని బండి గాయత్రి అన్నారు.

చిన్నప్పటి నుంచి ఏది పాడైనా రిపేర్ చేసేదానినని అమ్మ మెకానికల్ ఇంజనీర్ అవుతానని ఊహించగా నేను మాత్రం మైనింగ్ ఇంజనీర్( Mining Engineer ) రంగాన్ని కెరీర్ గా ఎంచుకున్నానని ఆమె తెలిపారు.కాలు విరిగినా జేఈఈ పరీక్ష రాశానని ఆమె చెప్పుకొచ్చారు.

మంచి ర్యాంక్ సాధించి ఐఐటీ బీ.హెచ్.యూలో మైనింగ్ ఇంజనీరింగ్ లో చేరానని ఆమె పేర్కొన్నారు.

మైనింగ్ ఇంజనీరింగ్ ఎందుకు ఎంచుకున్నావని చాలామంది అడుగుతారని గాయత్రి పేర్కొన్నారు.