నందమూరి బాలకృష్ణ నటిస్తోన్న తాజా చిత్రం రూలర్ డిసెంబర్ 20న ప్రపంచవ్యాప్తంగా రిలీజ్ కానున్న సంగతి తెలిసిందే.ఈ సినిమాతో మరోసారి బాక్సాఫీస్ వద్ద బాలయ్య సందడి చేయడం ఖాయమని అంటున్నారు నందమూరి ఫ్యాన్స్.
అయితే అలాంటి ఓ అభిమాని వల్లే నేడు బాలయ్య రూలర్ చిత్రంలో తన కొత్త లుక్ సాధ్యమయ్యిందని అంటున్నాడు బాలయ్య.
కొంతకాలం కిందట తన అభిమాన నటుడిని ఐరన్ మ్యాన్ హీరో టోనీ స్టార్క్ గెటప్‌లో చూడాలని ఉందని సదరు అభిమాని బాలయ్యకు గతంలో ఓ ఫోటో పంపాడు.
ఇది చూడటానికి బాగుందని బాలయ్య అనుకుని వదిలేశాడు.అయితే చాలాకాలం తరువాత కెఎస్ రవికుమార్ రూలర్ కథను బాలయ్యకు వినిపించినప్పుడు సినిమాలో ఓ కొత్త గెటప్‌లో బాలయ్య కనిపించాలని చెప్పాడట.
దీంతో బాలయ్య సదరు అభిమాని పంపిన టోనీ స్టార్క్ గెటప్‌ను సజెస్ట్ చేశాడట.
దర్శకుడు కూడా ఓకే చెప్పేయడంతో బాలయ్య రూలర్ చిత్రంలోని కొత్త గెటప్ పుట్టుకొచ్చింది.
దీనికి సంబంధించిన విషయాలను బాలయ్య తాజాగా ఓ ఇంటర్వ్యూలో చెప్పడం గమనార్హం.అభిమాని చెప్పిన సలహాను పాటించిన హీరోగా బాలయ్య తన అభిమానుల్లో మరింత క్రేజ్‌ను సంపాధించుకున్నాడు.
ఇక ఈ సినిమా ఎలాంటి ఫలితాన్ని రాబడుతుందా అని నందమూరి ఫ్యాన్స్ ఆసక్తిగా చూస్తున్నారు.
