నందమూరి బాలకృష్ణ నటిస్తున్న లేటెస్త్ మూవీని మాస్ చిత్రాల దర్శకుడు బోయపాటి శ్రీను డైరెక్షన్‌లో తెరకెక్కిస్తున్న సంగతి తెలిసిందే.ఈ సినిమాను పూర్తి మాస్ యాక్షన్ చిత్రంగా తెరకెక్కించేందుకు చిత్ర యూనిట్ రెడీ అవుతోంది.
ఈ సినిమాతో మరోసారి బాలయ్య తనదైన మార్క్‌ను వేసేందుకు ప్లాన్ చేస్తున్నాడు.అయితే ఈ సినిమా షూటింగ్ ఇప్పటికే ప్రారంభం కాగా లాక్‌డౌన్ కారణంగా ఈ సినిమా వాయిదా పడింది.
కాగా జూన్ 10వ తేదీన బాలయ్య తన పుట్టినరోజును జరుపుకుంటుండగా, ఆరోజు నందమూరి ఫ్యాన్స్ రచ్చ చేసేందుకు రెడీ అవుతున్నారు.అయితే ఈ పుట్టినరోజున తన ఫ్యాన్స్‌కు అదిరిపోయే ట్రీట్ ఇచ్చేందుకు బాలయ్య కూడా సిద్ధమవుతున్నాడు.
ఈ పుట్టినరోజున బాలయ్య కొత్త చిత్రానికి సంబంధించిన ఫస్ట్ లుక్‌ను రిలీజ్ చేసి ఫ్యాన్స్‌కు ట్రీట్ ఇచ్చేందుకు చిత్ర యూనిట్ రెడీ అవుతోంది.అయితే బాలయ్య తనవంతుగా ఓ పాటను పాడి ఫ్యాన్స్‌కు ట్రీట్ ఇవ్వాలని నిర్ణయం తీసుకున్నాడు.
దీనికి సంబంధించి ఇటీవల ఓ ఇంటర్వ్యూలో ఆయన మాట్లాడిన విషయం కూడా తెలిసిందే.
కాగా మరో సింగర్ సింహా సాయంతో బాలయ్య ఈ పాటను ఇప్పటికే పాడినట్లు తెలుస్తోంది.
బాలయ్య తన పుట్టినరోజున ఈ పాటను రిలీజ్ కూడా చేయబోతున్నట్లు తెలుస్తోంది.యజమాన్య అనే మ్యూజిక్ డైరెక్టర్ ఈ పాటను రికార్డ్ చేసినట్లు తెలుస్తుండగా తన 60వ పుట్టినరోజు కానుకగా జూన్ 10న ఈ పాటను రిలీజ్ చేసేందుకు బాలయ్య రెడీ అయ్యాడు.
మరి బాలయ్య పాటకు ఫ్యాన్స్ గోల ఎలా ఉండబోతుందో చూడాలి.
