నందమూరి నటసింహం బాలయ్య నటిస్తున్న లేటెస్ట్ మూవీ ఇప్పటికే షూటింగ్ ప్రారంభించుకున్న సంగతి తెలిసిందే.ఆయనకు గతంలో సింహా, లెజెండ్ వంటి బిగ్గెస్ట్ బ్లాక్బస్టర్ హిట్లు అందించిన మాస్ చిత్రాల స్పెషలిస్ట్ బోయపాటి శ్రీను ఈ సినిమాను డైరెక్ట్ చేస్తుండటంతో ఈ సినిమా ఎలాంటి విజయాన్ని అందుకుంటుందా అని అందరూ ఆసక్తిగా ఎదురుచూస్తున్నారు.
ఇక ఈ సినిమాను బాలయ్య ఇమేజ్కు తగ్గట్టుగా బోయపాటి తెరకెక్కిస్తుండటంతో ఈ సినిమాను ఎప్పుడెప్పుడు చూద్దామా అని నందమూరి ఫ్యాన్స్ ఎంతో ఆసక్తిగా ఉన్నారు.
అయితే ఈ సినిమాలో బాలయ్య రెండు విభిన్న పాత్రల్లో నటిస్తుండగా, ఈ సినిమాలోని ఓ పాత్రకు సంబంధించిన టీజర్ను ఇప్పటికే చిత్ర యూనిట్ రిలీజ్ చేసింది.
ఈ టీజర్కు అదిరిపోయే రెస్పాన్స్ రావడంతో చిత్ర యూనిట్ ఫుల్ ఖుషీగా ఉన్నారు.అయితే కరోనా కరాణంగా ఈ సినిమా షూటింగ్ వాయిదా పడింది.కాగా ఈ సినిమాకు ఏ టైటిల్ పెడతారా అని ప్రేక్షకులతో పాటు చిత్ర వర్గాల్లో తెగ చర్చ సాగుతోంది.ఈ సినిమాకు మొదట్నుండీ మోనార్క్, సూపర్ మ్యాన్ వంటి పలు టైటిళ్లు వినిపించినా, టార్చ్ బేరర్ అనే టైటిల్ ఈ సినిమాకు బాగా సెట్ అవుతుందని చిత్ర వర్గాల్లో టాక్ బలంగా వినిపించింది.
దీంతో ఈ సినిమాకు ఈ టైటిల్నే ఫైనల్ చేసేందుకు చిత్ర యూనిట్ నిర్ణయం తీసుకుందట.ఈ మేరకు టైటిల్ రిజిస్ట్రేషన్ కోసం వారు ప్రయత్ని్స్తున్నట్లు చిత్ర వర్గాలు అంటున్నాయి.
జూనియర్ ఎన్టీఆర్ నటించిన ‘అరవింద సమేత’లోని ఓ పవర్ఫుల్ డైలాగ్లోని లైన్ను తమ సినిమాకు టైటిల్గా తీసుకున్న బోయపాటి, ఈ సినిమా కథను ఆ పదానికి ఎంతమేర న్యాయం చేస్తాడా అనేది సినిమా రిలీజ్ అయ్యాకే తెలుస్తోంది.ఇక ఈ సినిమాలో బాలయ్య సరసన హీరోయిన్గా మలయాళ బ్యూటీ ప్రగ్యా మార్టిన్ను సెలెక్ట్ చేసినట్లు వార్తలు వస్తు్న్నాయి.
మరి ఈ సినిమాకు నిజంగానే టార్చ్ బేరర్ అనే టైటిల్ను చిత్ర యూనిట్ ఫిక్స్ చేస్తుందా అనేది చూడాలి.