నందమూరి బాలకృష్ణ నటిస్తున్న లేటెస్ట్ మూవీ ఇప్పటికే షూటింగ్ మొదలుపెట్టుకున్న సంగతి తెలిసిందే.ఈ సినిమాతో బాలయ్య ఎలాగైనా హిట్ కొట్టాలని చూస్తున్నాడు.
ఈ క్రమంలో మాస్ చిత్రాల దర్శకుడు బోయపాటి శ్రీను డైరెక్షన్‌లో బాలయ్య ముచ్చటగా మూడోసారి సినిమా చేస్తుండటంతో ఈ సినిమా ఎలాంటి విజయాన్ని అందుకుంటుందా అని చిత్ర వర్గాలు ఎంతో ఆసక్తిగా ఎదురుచూస్తున్నాయి.ఇక ఈ సినిమాతో వీరిద్దరి కాంబినేషన్ ఖచ్చితంగా హ్యాట్రిక్ విజయాన్ని అందుకుంటుందని అభిమానులు ఆశిస్తున్నారు.
పూర్తి మాస్ యాక్షన్ ఎంటర్‌టైనర్‌గా ఈ సినిమా వస్తుండటంతో ఇందులో బాలయ్య ఎలా కనిపిస్తాడా అని నందమూరి అభిమానులు ఆతృతగా ఎదురుచూస్తున్నారు.కాగా ఈ సినిమాలో బాలయ్య రెండు విభిన్న పాత్రల్లో నటిస్తుండగా, అందులో ఒకటి రైతు పాత్ర కాగా, మరొకటి అఘోరా పాత్ర కావడం విశేషం.
ఇక ఈ సినిమాలో బాలయ్య పర్ఫార్మెన్స్ మరో లెవెల్‌లో ఉంటుందని, ప్రేక్షకులు ఊహించని విధంగా బాలయ్య తన యాక్టింగ్‌తో మెస్మరైజ్ చేస్తాడని చిత్ర యూనిట్ అంటోంది.ఇక ఈ సినిమాకు తొలుత ‘మోనార్క్’ అనే టైటిల్‌ను ఫిక్స్ చేయాలని చిత్ర యూనిట్ భావించినా, రీసెంట్‌గా ఈ సినిమాకు ‘టార్చ్ బేరర్’ అనే టైటిల్‌ను పెడుతున్నట్లు చిత్ర వర్గాల్లో టాక్ వినిపిస్తోంది.
అయితే ఈ సినిమాకు ఏ టైటిల్‌ను ఫిక్స్ చేస్తారా అనే అంశంపై మాత్రం ఇంకా క్లారిటీ లేదు.దీంతో ఈ సినిమా టైటిల్‌ను చిత్ర యూనిట్ దసరా కానుకగా అనౌన్స్ చేసేందుకు రెడీ అవుతున్నట్లు తెలుస్తోంది.
ఈ సినిమాను ఎంత పవర్‌ఫుల్‌గా తెరకెక్కిస్తున్నారో, అంతే పవర్‌ఫుల్ టైటిల్‌ను ఈ సినిమాకు పెట్టేందుకు చిత్ర యూనిట్ రెడీ అవుతున్నట్లు తెలుస్తోంది.ఇక బోయపాటి గతంలో బాలయ్యతో తెరకెక్కించిన సింహా, లెజెండ్ తరహాలోనే ఈ సినిమా కూడా ఉండబోతుందని, ప్రేక్షకుల అంచనాలకు ఏమాత్రం ఈ సినిమా తగ్గకుండా ఉంటుందని చిత్ర యూనిట్ ధీమా వ్యక్తం చేస్తోంది.
ఇక ఈ సినిమాను మిర్యాల రవీందర్ రెడ్డి ప్రొడ్యూస్ చేస్తున్న సంగతి తెలిసిందే.లాక్‌డౌన్ కారణంగా షూటింగ్ వాయిదా వేసుకున్న ఈ సినిమాను అతి త్వరలో తిరిగి ప్రారంభించేందుకు బాలయ్య అండ్ టీమ్ రెడీ అవుతున్నారు.
