నందమూరి బాలకృష్ణ నటిస్తున్న లేటెస్ట్ మూవీని మాస్ చిత్రాల దర్శకుడు బోయపాటి శ్రీను డైరెక్షన్‌లో తెరకెక్కించేందుకు రెడీ అయ్యాడు.ఇప్పటికే ఈ సినిమాను అఫీషియల్‌గా ప్రారంభించిన బాలయ్య, షూటింగ్ కూడా మొదలుపెట్టాడు.
కాగా కరోనా ప్రభావంతో నెలకొన్న పరిస్థితుల కారణంగా ఈ సినిమా షూటింగ్ వాయిదా పడింది.ఇక ఈ సినిమాను మరోసారి పూర్తి యాక్షన్ ఎంటర్‌టైనర్‌గా తెరకెక్కించేందుకు బోయపాటి రెడీ అవుతున్నాడు.
గతంలో సింహా, లెజెండ్ వంటి సినిమాలు అందించిన బోయపాటి, ఈసారి బాలయ్యతో అంతకుమించిన సినిమాను అందించేందుకు రెడీ అయ్యాడు.కాగా ఈ సినిమా టైటిల్ విషయంలో బోయపాటి మరోసారి తనదైన మార్క్ వేసుకోవాలని చూస్తున్నాడు.
ఈ క్రమంలోనే ఈ సినిమాకు ‘మోనార్క్’ అనే టైటిల్‌ను పెట్టాలని చిత్ర యూనిట్ భావించింది.కానీ ఈ టైటిల్ బాలయ్య గతంలో నటించిన ‘డిక్టేటర్’ టైటిల్‌కు చాలా దగ్గరగా ఉండటంతో ఈ టైటిల్‌ను పక్కనబెట్టారు.
గతంలో బాలయ్య నటించిన డిక్టేటర్ చిత్రం బాక్సాఫీస్ వద్ద డిజాస్టర్ మూవీగా నిలిచింది.ఆ సినిమాపై బాలయ్య భారీ అంచనాలు పెట్టుకున్నప్పటికీ రొటీన్ కథ కావడంతో ప్రేక్షకులు ఆ సినిమాను రిజెక్ట్ చేశారు.
ఇప్పుడు అదే తరహా టైటిల్ పెడితే తమ సినిమాపై నెగెటివ్ ప్రభావం పడుతుందని చిత్ర యూనిట్ భావించి, మోనార్క్ టైటిల్‌ను రద్దు చేసుకున్నారు.మరి బాలయ్య రెండు విభిన్నమైన పాత్రల్లో నటిస్తున్న ఈ సినిమాకు ఎలాంటి టైటిల్ పెడతారో చూడాలి.
