నందమూరి బాలకృష్ణ నటిస్తున్న లేటెస్ట్ మూవీని మాస్ చిత్రాల దర్శకుడు బోయపాటి శ్రీను డైరెక్ట్ చేస్తున్నాడు.గతంలో సింహా, లెజెండ్ వంటి బ్లాక్బస్టర్ చిత్రాలను అందించిన బోయాపాటి మరోసారి బాలయ్యతో అదిరిపోయే హిట్ అందుకోవాలని చూస్తున్నాడు.
కాగా ఈ సినిమా షూటింగ్ను ఇప్పటికే ప్రారంభించిన చిత్ర యూనిట్, ఈ సినిమా టీజర్ను రిలీజ్ చేయగా దానికి అదిరిపోయే రెస్పాన్స్ లభించింది.
బాలయ్యను మరింత పవర్ఫుల్గా చూపించడంలో బోయపాటి తరువాతే ఎవరైనా అని ఎందుకు అంటారో ఈ టీజర్ చూస్తే అర్థమవుతోంది.
ప్రస్తుతానికి BB3 అనే టైటిల్తో తెరకెక్కుతున్న ఈ సినిమాలో బాలయ్య రెండు విభిన్న పాత్రల్లో నటిస్తుండగా అందులో అఘోరా పాత్ర సినిమాకే హైలైట్గా కానుందని చిత్ర వర్గాలు అంటున్నాయి.ఇక ఈ సినిమాలో బాలయ్య సరసన హీరోయిన్గా ఎవరు నటిస్తారనే అంశం ప్రస్తుతం హాట్ టాపిక్గా మారింది.
ఈ సినిమాలో ఓ కొత్త హీరోయిన్ను తీసుకుంటున్నట్లు బోయపాటి ఇటీవల ప్రకటించాడు.
అయితే బాలీవుడ్కు చెందిన ఓ కొత్త బ్యూటీని ఈ సినిమాలో హీరోయిన్గా పరిచయం చేసేందుకు బోయపాటి రెడీ అవుతున్నాడట.
మరి బాలయ్యతో రొమాన్స్ చేసే ఆ బ్యూటీ ఎవరనే విషయం తెలియాలంటే మరికొద్ది రోజులు వెయిట్ చేయాల్సిందే అంటున్నారు చిత్ర యూనిట్.కాగా ఈ సినిమాకు మోనార్క్, సూపర్ మ్యాన్ అనే టైటిల్స్ వినిపిస్తున్నాయి.
ఈ సినిమాను మిర్యాల రవీందర్ రెడ్డి అత్యంత భారీ బడ్జెట్తో ప్రొడ్యూస్ చేస్తుండగా థమన్ ఈ సినిమాకు సంగీతం అందిస్తున్నాడు.