నందమూరి బాలకృష్ణ ప్రస్తుతం తన నెక్ట్స్ మూవీని మాస్ చిత్రాల దర్శకుడు బోయపాటి శ్రీను డైరెక్షన్‌లో తెరకెక్కిస్తున్నాడు.ఈ సినిమాను గతంలోనే ప్రారంభించినా రెగ్యులర్ షూటింగ్ మాత్రం మొదలుకాలేదు.
దీంతో ఈ సినిమా ఎప్పుడు మొదలవుతుందా అని అందరూ ఆసక్తిగా ఎదురుచూస్తున్నారు.
అయితే కొన్ని కారణాల వల్ల వరుసగా చిత్ర షూటింగ్ వాయిదా పడుతూ రావడంతో నందమూరి ఫ్యాన్స్ చాలా నిరాశకు లోనయ్యారు.
కాగా ఎట్టకేలకు ఈ సినిమా షూటింగ్ సోమవారం ప్రారంభమైంది.రామోజీ ఫిలిం సిటీలో వేసిన ఓ సెట్‌లో భారీ యాక్షన్ సీక్వెన్స్‌తో ఈ సినిమా షూటింగ్‌ను చిత్ర యూనిట్ ప్రారంభం అయ్యింది.
ఈ యాక్షన్ సీక్వెన్స్‌ను ఫైట్ మాస్టర్‌లు రామ్ లక్ష్మణ్‌లు కొరియోగ్రాఫ్ చేస్తున్నారు.
మొత్తానికి బాలయ్య తన సినిమా షూటింగ్‌ను ప్రారంభించడంతో నందమూరి ఫ్యాన్స్ సంతోషం వ్యక్తం చేస్తున్నారు.
కాగా ఈ సినిమాలో బాలయ్య రెండు విభిన్న పాత్రల్లో కనిపిస్తాడు.ఇందులో ఒకటి ఫ్యాక్షనిస్ట్ పాత్ర కాగా మరొకటి అఘోరా పాత్ర అని తెలుస్తోంది.
ఈ సినిమాలో హీరోయిన్‌గా ఎవరు నటిస్తారా అనే అంశం ఆసక్తికరంగా మారింది.
