బైక్అంటే యువతకు ఉన్న మోజు అంతా ఇంతా కాదు.అందులో కొత్త మోడల్ వాహనాలు వచ్చాయంటే ఉషారులో ఉన్న యువతలో ఫుల్ జోష్ నిండి ఆ బైక్ కొనేదాగా నిద్రకూడా ఉండదు.
అందుకే వీరి ఆసక్తికి తగ్గట్టుగా వాహనాల సంస్దలు కొత్త కొత్త మోడల్స్ ను మార్కెట్లోకి లాంచ్ చేసి ఈ పోటీరంగంలో నిలదొక్కుకుని లాభాల బాటలో ప్రయాణించడానికి ఎప్పుడు సిద్దంగా ఉంటాయి.
ఇకపోతే దేశీయ ద్విచక్ర వాహన దిగ్గజం బజాజ్ ఆటో తన పల్సర్ 180 కొత్త వెర్షన్ను మార్కెట్లో విడుదల చేసింది.దీని ధరను (ఎక్స్షోరూమ్-ఢిల్లీ)లో రూ.1,07,904గా నిర్ణయించినట్టు బజాజ్ ఆటో మంగళవారం తెలిపింది.
ఇకపోతే ఎక్కువగా భారత మార్కెట్లో 20 శాతం ఉన్న స్పోర్ట్స్ బైక్ విభాగంలో 180-200 సీసీ మోటార్ సైకిళ్లే ఉన్నాయని బజాజ్ ఆటో ఈ సందర్భంగా పేర్కొంది.కాగా ఈ బైక్ బ్లాక్ అలోయ్ వీల్స్, ఎల్ఈడీ టెయిల్ ల్యాంప్, ఫ్రంట్ సస్పెన్షన్, 5-స్పీడ్ ట్రాన్స్మిషన్ గేర్ బాక్స్, బ్యాక్ సస్పెన్షన్లో షాక్ అబ్జార్బర్ కలిగి ఉంటుందని కంపెనీ వివరించింది.
అయితే ఉత్తమమైన స్పోర్ట్స్ బైక్ను వెతికే కస్టమర్ల ను ఆకర్శించే విధంగా ఈ బైక్ను తయారు చేశామని వాళ్లు తెలియచేశారు.