తెలుగు సినిమా ఖ్యాతిని విశ్వవ్యాప్తం చేసిన సినిమా బాహుబలి.రాజమౌళి దర్శకత్వంలో భారీ మల్టీ స్టారర్ చిత్రంగా తెరకెక్కిన ఈ సినిమా పాన్ ఇండియా సినిమాగా ఒకే సారి ఏడు భాషలకి పైగా రిలీజ్ అయ్యి సంచలన రికార్డులు నమోదు చేసింది.
ఈ రెండు సినిమాలు కలిపి ఇండియన్ సినిమా చరిత్రలో అత్యధిక కలెక్షన్స్ రికార్డుని సొంతం చేసుకున్నాయి.ఏకంగా హాలీవుడ్ రేంజ్ లో రెండు వేల కోట్ల రూపాయిల కలెక్షన్స్ ని కొల్లగొట్టాయి.
ఇప్పటి వరకు బాలీవుడ్ సినిమాలలో దంగల్ తప్ప మరే సినిమా బాహుబలి దరిదాపుల్లోకి రాలేదు.ఇక జపాన్ భాషలో కూడా ఈ సినిమా రిలీజ్ అయ్యి సూపర్ హిట్ అయ్యింది.
అక్కడ మార్కెట్ లో బాహుబలి బొమ్మలు కూడా భాగా ఫేమస్ అయ్యాయి.
ఇదిలా ఉంటే ఈ సినిమా మరో అరుదైన ఘనత సొంతం చేసుకుంది.
తాజాగా రష్యా టీవీలోనూ బాహుబలి చిత్రం ప్రసారమైంది.అది కూడా రష్యా భాషలో సంభాషణలతో.
ఈ విషయాన్ని భారత్ లోని రష్యా దౌత్య కార్యాలయం స్వయంగా వెల్లడించింది.రష్యాలో భారత చిత్రాలు ఎంతో ప్రజాదరణ పొందుతున్నాయని పేర్కొంది.
రష్యా టీవీలో ఇప్పుడు ఏం ప్రసారమవుతుందో చూడండి.రష్యా డైలాగులతో బాహుబలి అంటూ రష్యా ఎంబసీ ట్వీట్ చేసింది.
ఇక రష్యాలో కూడా ఈ బాహుబలి కంక్లూజన్ ని మంచి టీఆర్పీ రేటింగ్స్ వచ్చినట్లు తెలుస్తుంది.
