టాలీవుడ్‌ జక్కన్న రాజమౌళి తెరకెక్కిస్తున్న ‘బాహుబలి’ సినిమా నుండి మరో పోస్టర్‌ విడుదలైంది.ఈ నెలారంభం నుండి జక్కన్న ‘బాహుబలి’ సినిమాకు సంబంధించిన పోస్టర్లను విడుదల చేస్తూ వస్తున్న విషయం తెల్సిందే.
అందులో భాగంగానే ఈ సినిమాలో అవంతిక పాత్ర పోషిస్తున్న తమన్నా పోస్టర్‌ను నేడు విడుదల చేశాడు.ఇప్పటికే అవంతిక పోస్టర్‌గా తమన్నా పుట్టిన రోజున విడుదల చేశాడు.
ఆ పోస్టర్‌లో తమన్నాను దేవకన్యలా చూపించి ఆకట్టుకున్నాడు.తాజాగా ఈ పోస్టర్‌లో కూడా అవంతిక ఒక దేవకన్యా అనే అనుమానం కలిగేలా చూపించాడు.
మిల్కీ బ్యూటీగా పేరున్న తమన్నా ‘బాహుబలి’ సినిమాలోని అవంతిక పాత్రకు బాగా సూట్‌ అయ్యిందని గతంలో రాజమౌళి చెప్పుకొచ్చాడు.ఈమె అందంలో మర్మం దాగి ఉంది అంటూ రాజమౌళి ఈ పోస్టర్‌ను పోస్ట్‌ చేసిన సందర్బంగా పోస్ట్‌ చేశాడు.
రాజమౌళి మాటలో అవంతిక అందం ఎంతటితో అర్థం చేసుకోవచ్చు.ప్రస్తుతం పోస్ట్‌ ప్రొడక్షన్‌ వర్క్‌ జరుపుకుంటున్న ఈ సినిమా ఆడియో మరియు ట్రైలర్‌ను మే 31న మరియు సినిమాను జులై 10న విడుదల చేసేందుకు ఏర్పాట్లు చేస్తున్నారు.
తెలుగులోనే కాకుండా హిందీ, తమిళం, కన్నడంలో ఈ సినిమా విడుదల కాబోతుంది.
