ఒక్కోసారి మనం ఆర్డర్ ఇచ్చిన వస్తువులకు బదులుగా వేరే వస్తువులు రావడం ఈమధ్య తరచు చూస్తూనే ఉన్నాం.ప్రముఖ ఈ కామర్స్ షాపింగ్ సంస్థ అమెజాన్ నుండి కంప్యూటర్ హార్డ్ డిస్క్ ఆర్డర్ ఇచ్చాడు బద్వేల్ కు చెందిన ప్రదీప్.అయితే ఆర్డర్ డెలివరీ వచ్చింది.3,099 రూపాయలు ఇచ్చి ఆ పార్శిల్ తీసుకోగా అనుమానం వచ్చిన ప్రదీప్ ఆ పార్శిల్ అన్ బాక్సింగ్ ను వీడియో తీశాడు.అయితే అతను అనుమానించినట్టుగానే అందులో హార్డ్ డిస్క్ లేదు.
హార్డ్ డిస్క్ బదులుగా అందులో బట్టల సబ్బులు ఉన్నాయట.3000 ల రూపాయల హార్డ్ డిస్క్ ఆర్డర్ ఇస్తే 10 రూపాయల బట్టల సబ్బులు పంపించారంటూ అమేజాన్ డెలివరీ బోయ్ ను అడిగితే తనకు సంబంధం లేదని చెప్పాడట.అలా చెప్పడంతో అతను స్థానిక పోలీస్ స్టేషన్ లో కంప్లైంట్ చేసినట్టు తెలుస్తుంది.
అయితే దీనిపై అమెజాన్ నుండి ఎలాంటి రెస్పాన్స్ రాలేదని ప్రదీప్ చెబుతున్నాడు.ఆన్ లైన్ షాపింగ్ లో అప్పుడప్పుడు ఇలాంటివి జరుగుతూనే ఉంటాయి.
టెక్నాలజీ ఎంత అప్డేట్ అవుతున్నా సరే కస్టమర్స్ కు అందివాల్సిన పార్శిల్ బదులుగా ఈ కామర్స్ సంస్థలు వేరొక పార్శిల్స్ ను పంపిస్తూ షాక్ ఇస్తున్నాయి. అయితే ఈ మిస్ గైడ్ ఆర్డర్స్ పై ఈ కామర్స్ సంస్థలు దృష్టి పెట్టాల్సిన అవసరం ఎంతైనా ఉంది.