ప్రస్తుత రోజుల్లో పుట్టబోయేదంటే ఆడపిల్ల అని తెలిస్తే చాలావరకు కడుపులోనే చంపేసే ప్రయత్నాలు అనేకం.ఈ విషయంలో పొరుగు వారు కూడా మళ్లీ ఆడపిల్ల పుట్టిందా అంటూ హేళన చేస్తూ మాట్లాడడంతో కొంతమంది ఈ నిర్ణయాలు తీసుకుంటున్నారు.
కానీ ఆ ఊర్లో మాత్రం ఆడపిల్ల పుట్టింది అంటే ఊరంతా పండగ చేసుకుంటారు.అందుకే ఆ ఊర్లో ఎక్కువ శాతం అమ్మాయిలే ఉంటారు.
ఆ ఊరు ఎక్కడ ఉందని అనుకుంటున్నారా…? ఎక్కడో కాదండో …! మన తెలంగాణలోని సంగారెడ్డి జిల్లా కొండాపూర్ మండలంలోని హరిదాసు పూర్.ఈ గ్రామం చూడడానికి చాలా చిన్న గ్రామం అయినా… ప్రపంచం మొత్తానికి ఒక పాఠం తెలియజేసే విధంగా గొప్పదనం ఉంది అక్కడ.
ఈ రోజులలో ఆడపిల్ల పుడితే పురిట్లోనే చంపేసే మనుషులున్న సమాజంలో… ఆ ఊరిలో వారు మాకు ఆడపిల్ల పుట్టాలి అంటూ దేవుని కోరుకుంటారు. ఆ ఊరు గ్రామస్తులందరూ కూడా మహిళలపై జరుగుతున్న స్త్రీలపై అఘాయిత్యాలు ప్రస్తుత రోజుల్లో అనుభవిస్తున్న అవమానాలను చూసి చాలా బాధ పడ్డారు.
దీనితో వారు అందరూ కూర్చొని ఒక మంచి సందేశం ఇవ్వాలనుకున్నారు ప్రపంచానికి.అందుకోసం ఆడపిల్లలను కాపాడుకోవడమే లక్ష్యంగా పెట్టుకొని ఊరంతా చాటింపు వేసి ఎవరికి ఆడబిడ్డ పుట్టిన కూడా ఊరంతా ఒక పండుగలాగా చేసుకోవాలని ప్రకటించారు.
దీనితోపాటు ఊరిలో ఎవరైనా గర్భవతి అయి ఉంటే వారికి ఆడ బిడ్డ పుట్టాలని అందరూ వేడుకోవాలి అని కూడా ప్రకటించారు. ఆ ఊరిలో ఎవరికైనా అమ్మాయి పుడితే ఆ బిడ్డ పెంపకానికి పంచాయతీ నుంచి కొంత డబ్బు ఇచ్చే లాగా ఊరు గ్రామస్తులు అందరూ కూడా తీర్మానం చేసుకున్నారు.
ఈ ఆలోచనను జనవరి 1, 2020 నుంచి ఆ గ్రామస్తులు అమలు చేసుకుంటూ వస్తున్నారు.
