టాలీవుడ్ రౌడీ స్టార్ విజయ్ దేవరకొండ నటిస్తున్న లేటెస్ట్ మూవీ ఫైటర్ ఇప్పటికే షూటింగ్‌ను జరుపుకుంటున్న సంగతి తెలిసిందే.టాలీవుడ్ క్రేజీ డైరెక్టర్ పూరీ జగన్నాథ్ డైరెక్షన్‌లో తెరకెక్కుతున్న ఈ సినిమాను పాన్ ఇండియా మూవీగా చిత్ర యూనిట్ తెరకెక్కిస్తున్నారు.
ఈ సినిమా స్పోర్ట్స్ బ్యాక్‌డ్రాప్‌తో తెరకెక్కుతుండటంతో ఈ సినిమాపై మంచి అంచనాలు క్రియేట్ అయ్యాయి.
కాగా ఈ సినిమాలో పలువురు క్రేజీ నటీనటులు నటిస్తున్నారు.
ఈ క్రమంలో ఫైటర్ చిత్రంలో రమ్యకృష్ణ ఓ కీలక పాత్రలో నటిస్తోంది.అయితే ఈ సినిమాలో ఆమె పాత్ర గురించి చాలా ఆసక్తిగా ఉన్నట్లు ఆమె ఇటీవల ఓ ఇంటర్వ్యూలో తెలిపారు.
ఆమె నార్త్‌లో పలు సినిమాలు చేసినా పెద్దగా గుర్తింపు రాలేదు.అయితే బాహుబలి చిత్రంతో ఆమె ఒక్కసారిగా జాతీయ స్థాయిలో గుర్తింపును సాధించుకుంది.
అయితే బాహుబలి ఇచ్చిన గుర్తింపు తనకు ఫైటర్ చిత్రం ఇస్తుందని ఆమె ఆశిస్తుంది.
పూరీ జగన్నాథ్ ఈ సినిమా కథ తనకు చెప్పినప్పుడు ఇది కూడా బాహుబలి స్థాయి చిత్రంగా ఉండబోతుందని ఆమె అనుకుని వెంటనే ఈ సినిమాను ఓకే చేసిందట.
ఈ సినిమా స్క్రిప్టు పరంగా యూనివర్సల్ ఆడియెన్స్‌ను ఆకట్టుకోవడం ఖాయమని ఆమె ధీమా వ్యక్తం చేస్తోంది.ఇక ఈ సినిమాలో తన పాత్ర కూడా ఆమెకు మంచి పేరును తీసుకొస్తుందని ఆమె భావిస్తోంది.
కాగా ఈ సినిమాలో విజయ్ దేవరకొండ బాక్సర్‌గా కనిపిస్తుండగా ఆయన సరసన అనన్యా పాండే హీరోయిన్‌గా నటిస్తోంది.
