రాజ్ తరుణ్, అవికాగోర్ పేర్లు చెప్పగానే ఉయ్యాల జంపాలా, సినిమా చూపిస్త మావ సినిమాలు ఠపీమని గుర్తుకొస్తాయి.అచ్చమైన గోదావరి యాస గల కుర్రాడు, చిన్నారి పెళ్ళి కూతురు కలిసి మెప్పించిన సినిమాలు ఆ రెండూ.
ఈ జంట మరలా ఇంకో సారి తెరమీద కనువిందు చేయనుందని వినికిడి.విష్ణు మంచు, రాజ్ తరుణ్ కలిసి జి.నాగేశ్వరరెడ్డి దర్శకత్వంలో ఓ సినిమాకు సంతకం చేసిన సంగతి తెలిసిందే.ఈ సినిమాలో విష్ణు మంచు సరసన అమైరా దస్తూర్ని అనుకుంటున్నారు.
రాజ్ తరుణ్ సరసన అవికాగోర్ను సంప్రదించినట్టు తెలిసింది.అవికా కాల్షీట్ సర్దుబాటు చేస్తే ఈ ఇద్దరు కలిసి చేసే మూడో సినిమా అవుతుంది.
అనిల్ సుంకర నిర్మిస్తున్న సినిమా ఇది.వచ్చే ఏడాది ప్రథమార్ధంలో సెట్స్ మీదకు తీసుకెళ్లడానికి సన్నాహాలు జరుగుతున్నాయి.తాజాగా ఈ సినిమా స్క్రిప్ట్ పనులు శరవేగంగా జరుగుతున్నాయి.తప్పకుండా యువతను అలరించే హాస్యభరితమైన సినిమాగా రూపొందించడానికి నాగేశ్వరరెడ్డి సన్నాహాలు చేస్తున్నట్టు వినికిడి.