నేడు డాక్టర్ బీఆర్ అంబేద్కర్ 130 వ జయంతి సందర్భంగా హైదరాబాద్ లోని ట్యాంక్ బండ్పై ట్రాఫిక్ ఆంక్షలు విధించారు.ఈ ప్రాంతం లో పలు కార్యక్రమాలు నిర్వహిస్తున్న సందర్భంగా లిబర్టీ జంక్షన్ నుంచి అంబేద్కర్ విగ్రహం వైపు వాహనాదారులు ఎవరూ రావద్దని ట్రాఫిక్ పోలీసులు సూచిస్తున్నారు.
కాగా ఈ రోజు జరగనున్న ఈ కార్యక్రమం లో డాక్టర్ బీఆర్ అంబేద్కర్ కు ప్రముఖులు నివాళులర్పించే అవకాశం ఉండటంతో ట్రాఫిక్కు ఇబ్బంది లేకుండా ఈ నిర్ణయం తీసుకున్నట్లు తెలియ చేస్తూ, వాహనదారులు ప్రత్యామ్నాయ మార్గాల్లో వెళ్లాలని సూచిస్తున్నారు.
ఇకపోతే ఇక్కడి ట్రాఫిక్ నిబంధలను చూస్తే.
అప్పర్ ట్యాంక్బండ్ నుంచి వచ్చే వాహనాలను తెలుగుతల్లి ఫ్లై ఓవర్ వైపు, బషీర్బాగ్ నుంచి వచ్చే వాహనాలను హిమాయత్ నగర్ వైపు మళ్లించనున్నారు.కాగా అప్పర్ ట్యాంక్బండ్ నుంచి వచ్చే వాహనాలకు లిబర్టీ వైపు అనుమతి లేదని ఈ సందర్భంగా పోలీసులు పేర్కొన్నారు.