సాధారణంగా మనం చల్లదనం తగలగానే గజగజా వణికిపోతాం.ఐస్ ముక్కను కొంత సమయం పట్టుకోవాలంటే మన వల్ల కాదు.
అయితే ఒక మనిషి మాత్రం ఐస్ ముక్కల మధ్య రెండున్నర గంటల పాటు ఉన్నాడు.వినడానికి కొంత ఆశ్చర్యంగానే ఉన్నా నిజంగానే ఈ ఘటన చోటు చేసుకుంది.
రెండున్నర గంటల 57 సెకన్ల పాటు ఒక వ్యక్తి 200 ఐస్ ముక్కల మధ్య నిల్చొని ప్రపంచ రికార్డు సృష్టించాడు.
ఆస్ట్రియా దేశంలో ఈ ఘటన చోటు చేసుకుంది.
జోసెఫ్ కోబెర్ల్ అనే వ్యక్తి ఈ అరుదైన రికార్డును సాధించాడు.జోసెఫ్ 200 కేజీల ఐస్ ముక్కను ఏకంగా భుజాల వరకు పోయించుకోవడం గమనార్హం.
నిన్న పొడవాటి గాజు బాక్సులో ఐస్ ముక్కలను వేసి దానిలొ జోసెఫ్ నిలబడి ఈ అరుదైన రికార్డును సాధించాడు.సాధారణంగా ఎవరికైనా కొంత సమయం ఐస్ గడ్డల మధ్య ఉంటే శరీరం గడ్డ కడుతుంది.
కానీ జోసెఫ్ మాత్రం శరీరం గడ్డ కడుతున్నా వెనక్కు తగ్గకుండా ఈ అరుదైన రికార్డును అందుకున్నాడు.
అయితే తాను సాధించిన రికార్డు గురించి జోసెఫ్ ఆసక్తికర వ్యాఖ్యలు చేశాడు.
తన రికార్డును వచ్చే ఏడాది తానే బ్రేక్ చేస్తానని ప్రకటించాడు.లాస్ ఏంజిల్స్ నగరంలో వచ్చే ఏడాది జరగబోయే కార్యక్రమంలో ఈ రికార్డును తానే బ్రేక్ చేస్తానని జోసెఫ్ చెప్పాడు.జోసెఫ్ ఇలాంటి రికార్డులు సాధించడం ఇదే తొలిసారి కాదు.2019 సంవత్సరంలో కూడా జోసెఫ్ దాదాపు అరగంట పాటు ఐస్ గడ్డల మధ్య గడిపి రికార్డు సాధించడం గమనార్హం.