సెలబ్రిటీల జీవితాలలో అడ్జస్ట్మెంట్ అనేది తక్కువగా ఉంటుంది.చిన్న చిన్న కారణాలకి విడాకుల వరకు వెళ్ళిపోతారు.
అదే సమయంలో ఎక్స్ ట్రా మేరిటల్ ఎఫైర్స్ కూడా కొనసాగిస్తూ ఉంటారు.ఈ కారణంగా కూడా విడాకులు తీసుకుంటారు.
బాలీవుడ్ లో ఈ రకమైన కల్చర్ ఎక్కువగా కనిపిస్తుంది.ఇలాగే బాలీవుడ్ నటుడు అరుణోదయ్ సింగ్ భార్య కూడా అతని నుంచి విడాకులు తీసుకుంది.
ప్రేమించి పెళ్లి చేసుకున్న ఇద్దరి మధ్య పెంపుడు కుక్క విషయంలో మనస్పర్ధలు వచ్చి బొపాల్ ఫ్యామిలీ కోర్టుని ఆశ్రయించి విడాకులు తీసుకున్నారు.కోర్టు గత ఏడాది డిసెంబర్ లో వీరికి విడాకులు మంజూరు చేసింది.
అయితే విడాకుల తర్వాత ప్రేమించిన భార్యని మరిచిపోలేక అరుణోదయ్ ఓ భావోద్వేగ పోస్ట్ పెట్టాడు.ఈ పోస్ట్ చూసిన తర్వాత అతని భార్య లీ ఎల్టన్ ని తన భర్త తనని ఎంతగా ప్రేమిస్తున్నాడో అర్ధమైంది.
దీంతో తమ విడాకులు రద్దు చేయాలని ఆమె మధ్యప్రదేశ్‌ హైకోర్టును ఆశ్రయించారు.తన వాదనలు వినకుండా ఏకపక్షంగా విడాకులు మంజూరు చేశారని ఆరోపించారు.
ఈ మేరకు హైకోర్టులో పిటిషన్‌ దాఖలు చేసిన లీ తనకు వ్యతిరేకంగా నమోదైన అభియోగాలు తీవ్రమైనవి కావని, వెంటనే డివోర్స్‌ను రద్దు చేసేలా ఆదేశాలివ్వాలని విజ్ఞప్తి చేశారు.ఆమె అభ్యర్థనను మన్నించిన న్యాయస్థానం ఇందుకు సంబంధించిన రికార్డులను సమర్పించాల్సిందిగా దిగువ కోర్టును ఆదేశించింది.
అక్టోబరు 6కు ఈ కేసు విచారణను వాయిదా వేసింది.అయితే ఈ విడాకుల రద్దు విషయంలో అరుణోదయ్ కూడా అంగీకరిస్తే కోర్టు వారి విడాకులు రద్దు చేసి తిరిగి ఒకటిగా ఉండే అవకాశం ఇస్తుంది.
మరి భార్య పిటీషన్ పై ఈ నటుడు ఎలా స్పందిస్తాడు అనేది వేచి చూడాలి.
