ఇంట్లో ఉండి సోషల్ మీడియా ద్వారా డబ్బులు సంపాదించాలని అనుకునే వారి కోసం ఒక మంచి శుభవార్త.మీరు కంటెంట్ క్రియేటర్లు అయితే ఈ అవకాశాన్ని సద్వినియోగం చేసుకోండి.
అది ఎలా అంటే ప్రముఖ ఫేస్ బుక్ సంస్థ క్రియేటర్ ఎడ్యుకేషన్ అండ్ ఎనేబుల్మెంట్ ప్రొగ్రామ్ ను మన ముందుకు తెచ్చింది.క్రెయేటర్ డే ఇండియా ఈవెంట్ ను పురస్కరించుకొని ఫేస్ బుక్ ఈ కొత్త ఆన్లైన్ కోర్సును ప్రవేశపెట్టింది.
అంతేకాకుండా ఈ కొత్త ఆన్లైన్ కోర్సు కేవలం ఫేస్బుక్ ప్లాట్ ఫాంలో మాత్రమే కాకుండా ఫొటో షేరింగ్ యాప్ ఇన్ స్టాగ్రామ్ లో కూడా మనకు అందుబాటులో ఉండనుంది.
అంతకుముందు ఇంస్టాగ్రామ్ ప్రవేశపెట్టిన బోర్న్ ఆన్ ఇంస్టాగ్రామ్ ప్రోగ్రామ్ తర్వాత దశగా క్రెయేటర్ ఎడ్యుకేషన్ కొనసాగనుంది.
నిజానికి ఈ ప్రొగ్రామ్ 2019లోనే ప్రవేశపెట్టారు.కానీ అప్పుడు మనకి అందుబాటులో లేదు.
కాగా ఇప్పుడు ఈ ప్రొగ్రామ్ భారతీయ కంటెంట్ క్రియేటర్లకు కూడా అందుబాటులోకి వచ్చింది.ఈ-క్రెయేటర్ లెర్నింగ్ కోర్సు నేర్చుకోవడం ద్వారా కంటెంట్ క్రియేటర్లు స్వయంగా డబ్బులు సంపాదించుకోనే అవకాశం ఉంటుంది.
అలాగే ఈ కోర్సు పూర్తి అయిన తర్వాత సర్టిఫికేట్ కూడా ఇస్తారు.ఈ కోర్సులో ప్రధానంగా వేటి గురించి డిస్కస్ చేస్తారంటే మార్కెట్ ధోరణి, ప్రొడక్టులకు సంబందించిన అప్ డేట్స్, సవాళ్ల గురించి మంచి అనుభవం గల టీచర్లతో నేర్పిస్తారు.
ఇలా క్రియేటర్లు లోక జ్ఞానం పెంచుకోవడంతో పాటు, ఆదాయం కూడా సంపాదించుకోవడానికి ఈ కోర్సు ఎంతోగానో సహాయ పడుతుంది అని ఇన్స్ట్రాగామ్ హెడ్ అడమ్ మోసెరీ తెలిపారు.అంతేకాకుండా ఈ కాలంలో ఇన్స్ట్రాగామ్ షార్ట్ వీడియో ఫీచర్ రీల్స్ ద్వారా ప్రతి ఒక్కరు రీల్స్ క్రెయేట్ చేస్తున్నారని, సగటున ప్రతిరోజు 60 లక్షల రీల్స్ క్రియేట్ అవుతున్నాయని ఆయన చెప్పుకొచ్చారు.ఈ క్రమంలోనే ఇన్ స్ట్రీమ్ యాడ్స్ ద్వారా చాలా డబ్బులు సంపాదిస్తున్నారని వివరించారు.అందుకే డబ్బులు సంపాదించుకోవాలని అని అనుకునే కంటెంట్ క్రియేటర్ల కోసం పెయిడ్ ఆన్ లైన్ టూల్స్ ను అందుబాటులోకి తీసుకొచ్చింది ఫేస్ బుక్.
మరి ఈ అవకాశాన్ని సద్వినియోగం చేసుకుని మరిన్ని డబ్బులు సంపాదించుకొండి.