తెలంగాణలో వ‌ర్గ పోరు ఉన్న పార్టీ ఏది అంటే అంద‌రికీ ముందుగా గుర్తుకు వ‌చ్చేది కాంగ్రెస్ మాత్ర‌మే.ఎందుకంటే ఆ పార్టీలోనే ప‌ర‌స్ప‌రం ఒక‌రిపై ఒక‌రు బాహాటంగానే విమ‌ర్శ‌లు చేసుకుంటారు.
అయితే ఇప్పుడు బీజేపీలో కూడా ఇలాంటి వ‌ర్గ విబేధాలు ఎక్కువ‌యిపోతున్నాయి.అయితే అవి పైకి క‌నిపించ‌ట్లేదు.
ముందు నుంచి కూడా బీజేపీలో ఓ సాంప్ర‌దాయం ఉంటుంది.అందులో ఎవ‌రికైనా చెక్ పెట్టాలంటే అత‌నికి పోటీగా మరో నేత‌ను పార్టీలోకి తీసుకువ‌స్తారు.
ఇప్పుడు ఈట‌ల రాజేంద‌ర్ విష‌యంలో కూడా ఇదే జ‌రుగుతోంది.
ఈట‌ల రాజేంద‌ర్ గెలుపుతో ఒక్క‌సారిగా రాష్ట్ర వ్యాప్తంగా ఆయ‌న‌కు గ్రాఫ్ పెరిగిపోయింది.
అన్ని పార్టీల్లోనూ ఆయ‌న‌కు మంచి ఇమేజ్ వ‌చ్చేసింది.దీంతో ఆయన మీద ఉన్న హైప్‌ను త‌గ్గించేందుకు ఇప్పుడు బీజేపీలోకి తీన్మార్ మ‌ల్ల‌న్న‌ను తీసుకొస్తున్న‌ట్టు తెలుస్తోంది.
జ‌ర్న‌లిస్టుగా చాలా ఫేమ‌స్ అయిన తీన్మార్ మ‌ల్ల‌న్న‌కు రాష్ట్ర వ్యాప్తంగా మంచి ఇమేజ్ ఉంది.ఇప్ప‌టి వ‌ర‌కు ఏ పార్టీలోనూ చేర‌ని మ‌ల్ల‌న్న‌కు అన్ని పార్టీల నుంచి మంచి ఆఫర్లు అందాయి.
కానీ ఆయన మాత్రం బీజేపీవైపు మొగ్గు చూపుతున్నారు.మ‌ల్ల‌న్న చేరిక‌తో పార్టీలో ఈట‌ల దూకుడుకు చెక్ పెట్టొచ్చ‌ని బీజేపీ నేత‌లు భావిస్తున్నారు.
ఈట‌ల రాజేంద‌ర్‌కు బండి సంజ‌య్‌, కిష‌న్ రెడ్డిల‌కు మించి ఇమేజ్ పెరుగుతుండ‌టంతో ఆయన గ్రాఫ్‌ను పడేసెందుకు మ‌ల్ల‌న్న‌ను తీసుకొస్తున్న‌ట్టు తెలుస్తోంది.రేపు మ‌ల్ల‌న్న బీజేపీలో చేర‌బోతున్నారు.తీన్మార్ మ‌ల్ల‌న్న‌ను అడ్డు పెట్టుకుని ఈట‌ల దూకుడుకు క‌ళ్లెం వేసి త‌మ ఆధీనంలో ఉంచుకోవాల‌ని బీజేపీ తెలంగాణ అగ్ర నేత‌లు భావిస్తున్నారంట.ఇక ఈ విష‌యంలో ముందుగానే మ‌ల్ల‌న్న‌తో కూడా చ‌ర్చించ‌గా ఆయన కూడా ఓకే అన్నాడ‌ని ప్ర‌చారం జ‌రుగుతోంది.
మ‌ల్ల‌న్న‌ను అస్త్రంలా వాడుకుని త‌మ ఇమేజ్‌ను మ‌ళ్లీ పెంచుకోవాల‌ని చూస్తున్నారు టీబీజేపీ నేత‌లు.
తెలుగు వార్త విశేషాలు సులభముగా తెలుసుకోండి!!!!
