నేచురల్ స్టార్ నాని ప్రస్తుతం వి చిత్రాన్ని తెరకెక్కిస్తూ బిజీగా ఉన్నాడు.ఈ సినిమాను వేసవి కానుకగా రిలీజ్ చేయాలని చూస్తున్న నాని, టక్ జగదీష్ అనే మరో సినిమాను కూడా లైన్లో పెట్టాడు.
ఈ రెండు సినిమాలు ఇంకా రిలీజ్ కాకముందే ముచ్చటగా మూడో సినిమాను కూడా లైన్లో పెట్టేశాడు.విజయ్ దేవరకొండతో టాక్సీవాలా సినిమాను తెరకెక్కించిన రాహుల్ సంకిర్త్యన్ డైరెక్షన్లో నాని తన నెక్ట్స్ మూవీని చేయనున్నాడు.
అయితే ఈ సినిమాకు శ్యాం సింగ రాయ్ అనే టైటిల్ను ఇటీవల రివీల్ చేశారు చిత్ర యూనిట్.భారీ బడ్జెట్తో తెరకెక్కుతున్న ఈ సినిమాకు సంగీతాన్ని ఆస్కార్ విన్నర్ ఏఆర్ రెహమాన్ అందించనున్నట్లు తెలుస్తోంది.
పూర్తి పీరియాడికల్ మూవీగా తెరకెక్కనున్న ఈ సినిమాకు రెహమాన్ సంగీతం పర్ఫెక్ట్గా ఉంటుందని చిత్ర యూనిట్ భావిస్తున్నారు.అయితే స్ట్రెయిట్ తెలుగు మూవీకి రెహమాన్ సంగీతం ఇచ్చి చాలా ఏళ్లు అవుతోంది.
మరి ఇప్పటి ప్రేక్షకుల అభిరుచికి తగ్గట్టుగా రెహమాన్ సంగీతం ఇవ్వగలడా? అసలు రెహమాన్ ఈ తెలుగు చిత్రానికి సంగీతం ఇచ్చేందుకు ఒప్పుకుంటాడా లేడా? అనేది ప్రస్తుతం టాక్ ఆఫ్ ది ఇండస్ట్రీగా మారింది.ఈ అంశాలకు సంబంధించిన అఫీషియల్ అనౌన్స్మెంట్ వచ్చే వరకు ఆగాల్సిందే అంటున్నారు సినీ ప్రేక్షకులు.