ఆంధ్రప్రదేశ్ రాష్ట్ర ప్రభుత్వానికి ఖర్చులకు సంబంధించిన ఆటంకాలు తొలగిపోవడంతో ఏపీలోని ఉద్యోగుల జీతాలు లైన్ క్లియర్ అయినట్లు అయింది.ఆంధ్రప్రదేశ్ రాష్ట్ర గవర్నర్ విశ్వభూషణ్ హరిచందన్ రాష్ట్ర ద్రవ్య నియమ బిల్లుకు గురువారం నాడు ఆమోదాన్ని తెలిపారు.
ఈ అమోదం తో రాష్ట్ర ప్రభుత్వ ఉద్యోగులకు చెల్లించాల్సిన జీతాల చెల్లింపులకు, మరోవైపు ఇతర రంగాలకు చెందిన ఆర్థిక బిల్లులు చెల్లింపులకు అడ్డంకి తొలగింది.
ఇకపోతే ఈ ద్రవ్య వినిమయ బిల్లుకు టీడీపీ అధ్యక్షుడు చంద్రబాబు నాయుడు శాసనమండలిలో ఆమోదించకుండా అడ్డుకున్న సంగతి అందరికీ విదితమే.
ఈ నేపథ్యంలో బాబు సూచనలతో శాసనమండలి డిప్యూటీ చైర్మన్ ఈ బిల్లుకు ఆమోదించకుండా సభను నిరవధికంగా వాయిదా వేస్తూ వచ్చారు.ఈ నేపథ్యంలో రాష్ట్ర ప్రభుత్వం ఈ నెల ఒకటో తారీఖున రాష్ట్ర ఉద్యోగులకు, అలాగే పెన్షనర్లకు జీతాలను ఇవ్వలేకపోయింది.
ఇలాంటి పరిస్థితుల్లో శాసనమండలి బిల్లును ఆమోదించ లేకపోతే ఆ బిల్లును 14 రోజుల తర్వాత రాష్ట్ర గవర్నర్ కు ఆమోదించే అధికారం ఉంది.దీంతో 14 రోజుల గడువు ముగిసిపోవడంతో గురువారం నాడు గవర్నర్ ఆఫీస్ కు ద్రవ్య వినిమయ బిల్లులు పంపగా అక్కడ గవర్నర్ సాయంత్రానికి ఆమోదం తెలిపారు.
ఈ సందర్భం తర్వాత ఆర్థిక శాఖ గెజిట్ నోటిఫికేషన్ ను జారీ చేసింది.దీంతో ఆంధ్రప్రదేశ్ రాష్ట్ర ప్రభుత్వ ఉద్యోగాలకు, పెన్షనర్లకు జీతాలు లైన్ క్లియర్ అయింది.
