బీజేపీ వైపు బాబు చూపులు ! రియాక్షన్ వేరేగా ఉందే ?

  తాము ఎట్టి పరిస్థితుల్లోనూ టీడీపీ తో జతకట్టేది లేదనే విషయాన్ని బీజేపీ అధిష్టానం ఏపీ బీజేపీ ఇంఛార్జ్ సునీల్ ధీయోధర్ ద్వారా చెప్పించేసింది.అసలు టీడీపీతో జత కట్టే ప్రసక్తే లేదని సునీల్ ధియోధర్ ప్రకటించేశారు.టీడీపీకి బీజేపీ ద్వారాలు శాశ్వతంగా మూసుకుపోయాయని తేల్చి చెప్పారాయన అటు వైసీపీ, జనసేన పార్టీలతోనూ పొత్తులు ఉండవని క్లారిటీ ఇచ్చేసారు.రాబోయే స్థానిక సంస్థల ఎన్నికల్లో ఏవరితోనూ పొత్తులేదని, బీజేపీ ఒంటరిగానే పోటీ చేస్తుందని తెలిపారు.

మరోవైపు పోలవరం ప్రాజెక్టును పరిశీలించి నివేదిక తయారు చేశామని, ఆ నివేదికను కేంద్ర జలవనరుల శాఖకు ఇస్తామని చెప్పుకొచ్చారు.బీజేపీకి దగ్గరయ్యేందుకు టీడీపీ ప్రయత్నిస్తుంటే బీజేపీ మాత్రం దూరం దూరం జరుగుతుండడం బాబు లో మరింత అసహనాన్ని కలిగిస్తోంది.