సాధారణంగా సినిమా రంగానికి చెందిన సెలబ్రిటీలు సినిమా రంగానికి చెందిన వారినే వివాహం చేసుకుంటూ ఉంటారు.అయితే అనుష్క శర్మ విరాట్ కోహ్లీ వేర్వేరు రంగాలకు చెందిన సెలబ్రిటీలు అయినప్పటికీ ఇద్దరి మధ్య పరిచయం కాస్తా ప్రేమగా మారడంతో పెద్దలను ఒప్పించి వివాహం చేసుకున్నారు.
అనుష్క, విరాట్ ఒక యాడ్ కోసం కలిసి పని చేయగా ఆ యాడ్ షూటింగ్ సమయంలో పరిచయం ఏర్పడింది.
అనుష్క, విరాట్ ఒకరితో మరొకరు ప్రేమలో ఉన్న సమయంలో వాళ్లకు సంబంధించిన వార్తలు సోషల్ మీడియాలో తెగ వైరల్ అయ్యాయి.
ఈ జంటను అభిమానులు విరుష్క అని ప్రేమగా పిలుచుకునేవారు.అయితే విరాట్ అనుష్క లవ్ స్టోరీ గురించి ప్రేక్షకులకు పెద్దగా తెలియదు.కోహ్లీ లవ్ స్టోరీ గురించి ఒక సందర్భంలో చెబుతూ ఒక షాంపూ యాడ్ షూటింగ్ సమయంలో తొలిసారి తాను అనుష్కను కలిసినట్లు వెల్లడించారు.
మేనేజర్ అనుష్క శర్మతో యాడ్ షూటింగ్ అని చెప్పగానే తనకు టెన్షన్ పట్టుకుందని అయితే మేనేజర్ మాత్రం కంగారు పడవద్దని యాడ్ కు సంబంధించిన స్క్రిప్ట్ అద్భుతంగా వచ్చిందని చెప్పారని తాను, అనుష్క కెరీర్ ను ఒకే సమయంలో మొదలుపెట్టడంతో పాటు ఒకే తరహా ఫ్యామీలీల నుంచి వచ్చామని పెళ్లి సమయంలో తాను బిజీగా ఉంటే అనుష్కనే పెళ్లి ఏర్పాట్లను చేసిందని కోహ్లీ తెలిపారు.
అయితే పెళ్లి సమయంలో మీడియా తమ పెళ్లి వార్తలను హైలెట్ చేయడానికి ప్రయత్నించడంతో అనుష్క విరాట్ కు బదులుగా ఫేక్ ఈమెయిల్ ఐడీతో రాహుల్ అనే పేరును క్రియేట్ చేసి ఆ పేరుతో పెళ్లి పనులు జరిపి మీడియా దృష్టిని మళ్లించారు.అలా మరో పేరుతో పెళ్లి పనులు చేసి కోహ్లీని సైతం అవాక్కయ్యేలా చేశారు.
ఈ జంటకు కొన్ని రోజుల క్రితం కూతురు పుట్టిన సంగతి తెలిసిందే.
తెలుగు వార్త విశేషాలు సులభముగా తెలుసుకోండి!!!!
