అంతకుముందు పిట్టగోడ సినిమా తీసి పెద్దగా ఆకట్టుకోలేని డైరక్టర్ అనుదీప్ తన సెకండ్ మూవీ జాతిరత్నాలు సినిమాతో సూపర్ హిట్ కొట్టాడు.నవీన్, ప్రియదర్శి, రాహుల్ రామకృష్ణ లీడ్ రోల్ లో వచ్చిన జాతిరత్నాలు సినిమాతో అనుదీప్ ఒక్కసారిగా హాట్ టాపిక్ గా మారాడు.
అతను తన నెక్స్ట్ సినిమాగా శివ కార్తికేయన్ తో సినిమా చేస్తున్నాడు.ప్రిన్స్ అనే టైటిల్ తో వస్తున్న ఈ సినిమా ఈ ఇయర్ దీపావళికి రిలీజ్ ప్లాన్ చేశారు.
ఇక ఈ సినిమాతో పాటుగా అనుదీప్ కథ, స్క్రీన్ ప్లే అందించిన ఫస్ట్ డే ఫస్ట్ షో సినిమా కూడా రిలీజ్ కు రెడీ అవుతుంది.
పూర్ణోదయ మూవీస్ బ్యానర్ లో తెరకెక్కుతున్న ఈ సినిమాను వంశీ డైరెక్ట్ చేస్తున్నారు.
ఈ సినిమా ప్రమోషన్స్ లో భాగంగా జాతిరత్నాలు 2 గురించి హింట్ ఇచ్చాడు అనుదీప్.జాతిరత్నాలు 2 ఉంటుంది కానీ దానికి మరో 3, 4 ఏళ్లు పడుతుందని అన్నాడు.
పార్ట్ 2కి కథ ఇంకా రెడీ అవలేదని.ఆ కథ టీం అందరికి నచ్చాలని అప్పుడే అది సెట్స్ మీదకు వెళ్తుందని.
కాకపోతే జాతిరత్నాలు 2 తప్పనిసరిగా ఉంటుందని మరోసారి చెప్పాడు అనుదీప్.ప్రిన్స్ సినిమా కూడా హిట్ అయితే అనుదీప్ స్టార్ డైరక్టర్స్ లిస్ట్ లో చేరే అవకాశం ఉంటుంది.
తన మార్క్ కామెడీ సినిమాలతో తనకంటూ ఒక మార్క్ వేసుకోవాలని చూస్తున్నాడు అనుదీప్.
