భారతదేశంలో కరోనా కేసులు రోజు రోజుకు పెరగడంతో సంక్రాంతి కానుకగా విడుదల కావలసిన ఈ ఎన్నో సినిమాలు ఒక్కొక్కటిగా వాయిదా పడుతున్నాయి.ఈ క్రమంలోనే పాన్ ఇండియా స్థాయిలో రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన RRR సినిమా జనవరి 7వ తేదీ విడుదల కావాల్సి ఉండగా ఈ సినిమా వాయిదా పడింది.
అలాగే 14వ తేదీ విడుదల కావాల్సిన ప్రభాస్ రాధేశ్యామ్ సినిమా కూడా వాయిదా పడింది.
ఈ విధంగా సంక్రాంతి రేసులో దిగిన చిత్రాలు ఒక్కొక్కటిగా వాయిదాలు ప్రకటిస్తూ వస్తున్నాయి.
ఈ క్రమంలోనే సంక్రాంతి బరిలో దిగిన మరొక సినిమా కూడా వాయిదా పడింది.సుమంత్ ఆర్ట్ ప్రొడక్షన్ సమర్పణలో, వైల్డ్ హనీ ప్రొడక్షన్స్ పతాకంపై సుమంత్ అశ్విన్, రజనీకాంత్ కలిసి నిర్మించిన ‘7 డేస్ 6 నైట్స్‘ చిత్రం సంక్రాంతి కానుకగా విడుదల కాబోతుందని ప్రకటించారు.
సుమంత్ అశ్విన్, మెహర్ చావల్, రోహన్, కృతికా శెట్టి ప్రధాన పాత్రల్లో నటించిన ఈ సినిమా సంక్రాంతికి విడుదల కావాల్సి ఉండగా కరోనా కేసులు పెరుగుతున్న నేపథ్యంలో ఈ సినిమాని వాయిదా వేశారు.ఈ సందర్భంగా సినిమా విడుదల వాయిదాని ప్రకటిస్తూ త్వరలోనే తిరిగి ఈ సినిమా విడుదల తేదీని ప్రకటిస్తామని చిత్ర బృందం తెలియజేశారు.
