తెలంగాణాలో కాంగ్రెస్ పార్టీ బలోపేతం చేయడం కోసం ఒక వైపు ప్రయత్నాలు జరుగుతుండగా, మరో వైపు ఆ పార్టీకి ఊహించని విధంగా షాకులు తగులుతున్నాయి.ఇప్పటికే మాజీ ఎమ్మెల్యే కూన శ్రీశైలం పార్టీని వీడగా, మరోనాయకుడు టీ కాంగ్రెస్ కు రాజీనామా చేశారు.
దీన్ని బట్టి చూస్తే టీ కాంగ్రెస్లో రాజీనామాల పర్వం ఇప్పట్లో ఆగెలా లేదని అనుకుంటున్నారట.
ఇకపోతే తాజాగా తాజాగా కాంగ్రెస్ పార్టీకి హర్షవర్ధన్రెడ్డి రాజీనామా చేశారు.
కాగా త్వరలో జరగనున్న ఎమ్మెల్సీ ఎన్నికల్లో టికెట్ ఆశించి భంగపడిన హర్షవర్ధన్రెడ్డి పార్టీకి రాజీనామా చేసినట్టు వెల్లడించారట.అయితే హైదరాబాద్ నుంచి పోటీ చేయాలని హర్షవర్ధన్రెడ్డి అనుకున్నారు.
అయితే అధిష్టానం మాత్రం చిన్నారెడ్డికి గ్రీన్ సిగ్నలిచ్చింది.దీంతో హైదరాబాద్ స్థానంపై ఆశలు పెట్టుకున్న హర్షవర్ధన్రెడ్డి రెబెల్గా బరిలోకి దిగాలని నిశ్చయించుకున్నరట.
ఇక పార్టీ నేతలు వద్దని వారించినా ఆయన పోటీకే మొగ్గు చూపారని సమాచారం.ఇకపోతే పార్టీలో ఇలా అసంతృప్తుల సెగలు రగులుతుంటే రానున్న రోజుల్లో కాంగ్రెస్ పార్టీలో ఇంకెన్ని వింతలు జరుగుతాయో అని అనుకుంటున్నారట.