ఈ ఏడాది సంక్రాంతి బరిలో రిలీజ్ అయిన సరిలేరు నీకెవ్వరు సినిమాతో అదిరిపోయే సక్సెస్ను తన ఖాతాలో వేసుకున్నాడు యంగ్ డైరెక్టర్ అనిల్ రావిపూడి.సూపర్ స్టార్ మహేష్ బాబుతో తెరకెక్కించిన ఈ ఫక్తు కమర్షియల్ ఎంటర్టైనర్ మూవీకి అదిరిపోయే రెస్పాన్స్ రావడంతో అనిల్ రావిపూడి క్రేజీ డైరెక్టర్స్లో ఒకడిగా మారిపోయాడు.
ఇక తనకు ఇంతటి బ్రాండ్ను తీసుకొచ్చిన ఎఫ్2 చిత్రానికి సీక్వెల్ను తెరకెక్కిస్తానని అనిల్ రావిపూడి గతంలోనే తెలిపాడు.
అయితే ఈ సినిమాలో విక్టరీ వెంకటేష్ నటించేందుకు చాలా సమయం పట్టేటట్లు ఉండటంతో ఎఫ్3 చిత్రం మరింత ఆలస్యం అవుతోంది.
ఇప్పటికే స్క్రిప్టు పనులు ముగించుకున్న అనిల్ రావిపూడి, వెంకటేష్ కోసమే ఎదురుచూస్తున్నాడట.అయితే వెంకీ ప్రస్తుతం తన ఫోకస్ పూర్తిగా నారప్ప మీదనే పెట్టడంతో ఆ సినిమాను పూర్తి చేశాకే ఎఫ్3లో పాల్గొంటానని తేల్చి చెప్పాడట.
దీంతో అనిల్ రావిపూడి, ఈ మధ్యలో ఓ చిన్న సినిమా చేసేందుకు రెడీ అవుతున్నాడు.ఓ మీడియం రేంజ్ హీరోతో ఈ సినిమాను వీలైనంత త్వరగా తెరకెక్కించి రిలీజ్ చేయాలని అనిల్ ప్లాన్ చేస్తున్నాడు.
ఈ సినిమాకు సంబంధించిన అఫీషియల్ అనౌన్స్మెంట్ రావాల్సి ఉంది.ఇక ఈ సినిమాను అనిల్ రావిపూడి ఎలాంటి కథతో తెరకెక్కిస్తాడా అనే ఆసక్తి సర్వత్రా నెలకొంది.
మరి ఈ సినిమాలో అనిల్ రావిపూడి డైరెక్ట్ చేయబోయే హీరో ఎవరో తెలియాలంటే మరికొద్ది రోజులు వెయిట్ చేయాల్సిందే.