తెలుగులో ప్రముఖ సినీ నిర్మాత మరియు దర్శకులు ఎమ్మెస్ రాజు “డర్టీ హరి” అనే చిత్రానికి దర్శకత్వం వహిస్తున్న సంగతి అందరికి తెలిసిందే.అయితే ప్రస్తుతం కరోనా వైరస్ కారణంగా సినిమా థియేటర్లు మూత పడటంతో చిత్ర యూనిట్ సభ్యులు ఈ చిత్రాన్ని ఈ నెల 18వ తారీఖున ఆన్ లైన్ లో విడుదల చేశారు.
కాగా ఈ చిత్రంలో నూతన హీరో శ్రవణ్ రెడ్డి హీరోగా నటించగా యంగ్ బ్యూటీ రుహాణి శర్మ మరియు సిమ్రత్ కౌర్ తదితరులు హీరోయిన్లుగా నటించారు.అయితే ఈ చిత్రం ప్రస్తుతం సినీ ప్రేక్షకులని బాగానే ఆకట్టుకుంటోంది.
తాజాగా ఈ చిత్రంపై కేసు నమోదు చేయాలని ఆంధ్ర ప్రదేశ్ రాష్ట్ర మహిళా కమిషన్ చైర్ పర్సన్ “వాసిరెడ్డి పద్మ” పోలీసులను కోరింది.ఇందుకు గల కారణాలను తెలియజేస్తూ ఈ చిత్రం యొక్క వాల్ పోస్టర్లు కొంతమేర అసభ్యకరంగా అశ్లీలతను ప్రదర్శిస్తున్నాయని అందువల్లనే చిత్ర యూనిట్ సభ్యులపై కేసు నమోదు చేసి చట్టపరంగా చర్యలు తీసుకోవాలని డిజిపి గౌతమ్ సవాంగ్ కి ఫిర్యాదు చేసినట్లు సమాచారం.
అయితే ఇప్పటివరకు పోలీసులు మాత్రం ఈ విషయంపై స్పందించలేదు.
దీంతో ఈ విషయంపై కొందరు నెటిజన్లు స్పందిస్తూ ఏదైనా సరే మనం చూసే తీరు మరియు అర్థం చేసుకునే విధానం బట్టి ఉంటుందని అంతే తప్ప ఇందులో ఎలాంటి అశ్లీలత లేదని అభిప్రాయం వ్యక్తం చేస్తున్నారు.అయితే ఈ విషయం ఇలా ఉండగా ఈ చిత్రాన్ని ఆన్ లైన్ లో చూడాలంటే 120 రూపాయలు చెల్లించాల్సి ఉంటుంది.కాగా ఈ చిత్రం విడుదల చేసిన మొదటి రోజే దాదాపుగా కోటి రూపాయలకు పైగా వసూళ్లను సాధించింది.
అంతేగాక గత కొద్దికాలంగా సరైన హిట్ లేక సతమతమవుతున్న దర్శకుడు ఎమ్మెస్ రాజు కి మంచి హిట్ ఇచ్చింది.
అయితే ఈ విషయం ఇలా ఉండగా వాల్ పోస్టర్లు అశ్లీలత ప్రదర్శిస్తున్నాడని వాసిరెడ్డి పద్మ పోలీసులకు ఫిర్యాదు చేసినప్పటికీ ఇప్పటి వరకు ఈ చిత్ర యూనిట్ సభ్యులు మాత్రం స్పందించలేదు.
మరి కమిషన్ చైర్ పర్సన్ వాసిరెడ్డి పద్మ ఇచ్చిన ఫిర్యాదుపై పోలీసులు ఏ విధంగా స్పందిస్తారో చూడాలి.
తెలుగు వార్త విశేషాలు సులభముగా తెలుసుకోండి!!!!
