బుల్లితెర స్టార్ యాంకర్ గా అనసూయకు ప్రేక్షకుల్లో క్రేజ్ రోజురోజుకు పెరుగుతోందే తప్ప తగ్గడం లేదు.అందం, అభినయం పుష్కలంగా ఉన్న అనసూయ కొన్నిసార్లు వివాదాల ద్వారా వార్తల్లో నిలిచినా సోషల్ మీడియాలో మాత్రం యాక్టివ్ గా ఉంటూ ఫోటో షూట్లకు సంబంధించిన ఫోటోలను ఎక్కువగా షేర్ చేసుకుంటూ ఉంటారు.
జూన్ 5వ తేదీ అనసూయ పెళ్లిరోజు కాగా మ్యారేజ్ డే సందర్భంగా అనసూయ వ్యక్తిగత జీవితానికి సంబంధించి కీలక విషయాలను వెల్లడించారు.
అనసూయ, సుశాంక్ భరద్వాజ్ ఒకరినొకరు ప్రేమించుకొని పెళ్లి చేసుకున్నారు.తమ పెళ్లి బంధానికి 11 సంవత్సరాలు, క్రేజీ ప్రేమకు 20 సంవత్సరాలు నిండాయని అనసూయ అన్నారు.భర్త భరద్వాజ్ గురించి చెబుతూ తాము గొడవ పడతామని, ఒకరిని మరొకరు బాధ పెట్టుకోవడంతో పాటు వ్యతిరేకించుకుంటామని ఇడియాటిక్ విషయాలకు సంబంధించి తాము ఒట్లు వేసుకుంటామని అనసూయ చెప్పుకొచ్చారు.
తమ మధ్య బంధం తరువాత రోజునుంచి ఉండదేమో అనే విధంగా తమ మధ్య కొన్నిసార్లు గొడవలు జరుగుతాయని అనసూయ చెప్పుకొచ్చారు.అయితే గొడవల కంటే తమ మధ్య ప్రేమ, అభిమానం ఉందని తన భర్త తప్ప తనకు మరో విషయం తెలియదని ఐలవ్యూ అంటూ అనసూయ భర్తపై ప్రేమను చాటుకున్నారు.
ఒకరిపై మరొకరు చెప్పలేని స్థాయిలో ఇష్టాన్ని వ్యక్తీకరించుకుంటామని అనసూయ అన్నారు.
భర్తతో కలిసి దిగిన ఫోటోను ఎందుకు పెట్టడం లేదంటే తమ మధ్య గొడవ జరిగిందని అనసూయ అన్నారు.ప్రస్తుతం రంగమార్తాండ, ఖిలాడీ సినిమాలతో పాటు పలు సినిమాల్లో అనసూయ నటిస్తున్నారు.ప్రస్తుతం అనసూయ నటిస్తున్న సినిమాలలో ఎక్కువ సినిమాలు భారీ బడ్జెట్ సినిమాలు కావడం గమనార్హం.
స్టార్ హీరోల సినిమాల్లో ఎక్కువగా నటిస్తున్న అనసూయ ఈ సినిమాలు సక్సెస్ సాధిస్తే మరో రెండు మూడేళ్లు బిజీ అయ్యే అవకాశాలు అయితే ఉంటాయి.