అమెరికాలో స్వామినారాయణ్‌ ఆలయంపై దాడి..!!!!  

అమెరికాలో జాతివిధ్వేషం మరో సారి బయటపడింది. గుర్థూ తెలియని దుండగులు అమెరికాలోని కెంటకీ రాష్ట్రంలో ఉన్న ఓ హిందూ గుడిపై దాడి చేశారు. అక్కడ ఉన్న విగ్రహాలని ధ్వంసం చేశారు. గోడలని నల్ల రంగుతో నింపారు. అక్కడ ఉన్న కుర్చీపై కత్తితో గుచ్చి వదిలి వెళ్ళిపోయారు.అక్కడ లూయిస్ విలేలో ఉన్న స్వామినారాయణ్ ఆలయంపై ఈ దాడి జరిగిందని తెలుస్తోంది.

Americans Attacked On Swaminarayan Temple In America-Nri Swaminarayan America Telugu Nri News Updates

Americans Attacked On Swaminarayan Temple In America

ఈ సంఘటన ఒక్క సారిగా అక్కడ ఉన్న భారతీయులని ఆందోళనకి గురిచేసింది. ఈ దాడిని తీవ్రంగా ఖండించారు భారతీయులు. దాంతో అమెరికా అధికారులు దీనిపై విచారణ మొదలుపెట్టారు. ఈ దాడి జరగడం భాదాకరమని అన్నారు లూయిస్‌విలె మేయర్‌ గ్రెట్‌ ఫిషర్‌. ఈ రకమైన చర్యలు పిరికిపందలు చేస్తారు అంటూ భారతీయుల మనోభావాలని గౌరవించారు మేయర్ ఫిషర్.

Americans Attacked On Swaminarayan Temple In America-Nri Swaminarayan America Telugu Nri News Updates

ఇలాంటి చర్యలు జరగడం ఎంతో భాధాకరమని ఆ గుడికి చెందినా రాజ్ పటేల్ తన అభిప్రాయాన్ని తెలిపారు. అయితే అమెరికాలో ఇలాంటి సంఘటనలు జరగడం కొత్తకాదు. గతంలో అంటే 2015 ఏప్రిల్‌లో ఉత్తర టెక్సాస్‌లోని ఓ ఆలయాన్ని కూడా ఈ విధంగానే ధ్వంసం చేశారు. అదే సంవత్సరం ఫిబ్రవరిలోనూ కెంట్‌, సీటెల్‌ మెట్రోపాలిటన్‌లో ఉన్న ఆలయాలపైనా దాడి జరిగింది. అయితే ఈ ఆలాయలపై దాడులు సమంజసం కాదని భారతీయ సంఘాలు అన్నీ ఖండిస్తున్నాయి.