ఎవరైనా కష్టంలో ఉన్నారంటే తోచిన సాయం ఎంతో కొంత చేస్తాము, ఎంత డబ్బు ఉన్న వాళ్లైనా సరే లెక్కకి మించిన సాయం చేయరు, చేయలేరు, చేయాలనీ రూలు కూడా లేదు.కొందరు పబ్లిసిటీ కోసం సాయం చేస్తారు, మరి కొందరు భవిష్యత్తులో ఉపయోగపడుతాడు కదా అని ఆశించి సాయం చేస్తారు.
కానీ కష్టం విలువ, తన సాయం అందడం ద్వారా కొన్ని కుటుంభాలు, కొన్ని జీవితాలు సంతోషంగా ఉంటాయని గ్రహించే వాళ్ళు మాత్రం ఎంతటి సాయం చేయడానికైనా వెనుకాడరు.తాము సంపాదించిన ఆస్తిలో సగం రాసివ్వడానికి కూడా వెనుకాడరు.
ఇలాంటి సంఘటనే.అలాంటి గొప్ప వ్యక్తిత్వం ఉన్న వ్యక్తి అమెరికాలో హాట్ టాపిక్ అయ్యాడు.
అమెరికాకి చెందిన ప్రముఖ పారిశ్రామిక వేత్త చార్లెస్ చక్ ఫ్రీనీ తనకి ఉన్న మొత్తం ఆస్తి 8 బిలియన్ డాలర్లు అంటే ఇండియన్ కరెన్సీలో సుమారు రూ.58 వేలకోట్లు గుప్త దానం చేసేశాడు.అయితే ఈ దానం కూడా ఇప్పుడు చేసింది కాదు 2012 లోనే ఆయన ఈ దానం చేసేశాడు.మూడో కంటికి తెలియకుండా, ఎక్కడా హడావిడి హంగామాలు లేకుండా పలు అనాధ ఆశ్రమాలకు, స్కూల్స్, వృద్దాశ్రమాలకు దానం చేసేశాడు.ఈ విషయం ఇటీవల కాలంలో బయటపడటంతో అమెరికా వ్యాప్తంగానే కాదు ప్రపంచ వ్యాప్తంగా చార్లెస్ పేరు మారు మోగుతోంది.
2012 లో తన భార్యకి ఇచ్చేందుకు 20 లక్షల డాలర్లు దాచి ఉంచిన చార్లెస్ మొత్తాన్ని మానవ హక్కులను కాపాడటానికి ఆరోగ్య సమస్యలు తలెత్తకుండా పరిశోధనలకు, పర్యావరణ పరిరక్షణ పరిశోధనలకు దానం చేశారు.భవిష్యత్తులో ధనవంతులు ఇలాంటి దానాలు చేయాలని ఓ సందేశాన్ని ఇచ్చేందుకు ఆయన ఇలాంటి కార్యక్రమానికి శ్రీకారం చుట్టారని అంటున్నారు బిల్ గేట్స్.చార్లెస్ ఎంతో కష్టపడి పైకి వచ్చిన వ్యక్తని, వ్యక్తిగతంగా ఆయన గురించి తనకు బాగా తెలుసని బిల్ గేట్స్ తెలిపారు.