స్పూర్తి: మొక్కవోని దీక్ష, మూడో ప్రయత్నంలో బైడెన్ విజయ బావుట

అయినప్పటికీ.బైడెన్ నాలుగు దశాబ్దాల రాజకీయ జీవితం మీద తీవ్ర విమర్శలూ ఉన్నాయి.1991లో సెనేట్ జ్యుడీషియరీ కమిటీ అధ్యక్షుడిగా.సుప్రీంకోర్టుకు నామినేట్ అయిన క్లారెన్స్ థామస్ తనపై లైంగిక వేధింపులకు పాల్పడ్డారంటూ అనిటా హిల్ ఆరోపణలపై విచారణను నిర్వహించిన తీరు కారణంగా తీవ్ర విమర్శల పాలయ్యారు.ఈ విచారణ కమిటీలో అందరూ తెల్లజాతీయులైన పురుషులే సభ్యులుగా ఉన్నారు.అనిటా హిల్‌కు మద్దతుగా నిలిచిన పలువురు మహిళలను బైడెన్ సాక్ష్యం చెప్పడానికి పిలవలేదు.2019 ఏప్రిలో ఒక టీవీ ఇంటర్వ్యూలో ఈ కేసు గురించి మాట్లాడుతూ బైడెన్… “ఆవిడతో వ్యవహరించిన విధానానికి సిగ్గుపడుతున్నాను” అని చెప్పారు.

వ్యక్తిగత జీవితం:

జో బైడెన్ పూర్తి పేరు జోసెఫ్ రాబినెట్ బైడెన్ జూనియర్.ఆయన 1942 నవంబర్ 20న పెన్సిల్వేనియాలోని స్క్రాంటన్‌లో జన్మించారు.యూనివర్సిటీ ఆఫ్‌ డెలావర్‌లో చదివారు.1968లో సైరకాస్‌ యూనివర్సిటీ నుంచి లా డిగ్రీ పొందారు.మొదటిసారిగా 1972లో డెలావర్‌ రాష్ట్ర సెనేటర్‌గా ఎన్నికయ్యారు.అప్పుడాయన వయసు 29 సంవత్సరాలు.తద్వారా దేశంలోనే అత్యంత పిన్న వయస్కుడైన సెనేటర్‌గా రికార్డుల్లోకెక్కారు.36 ఏళ్ల పాటు సెనేటర్‌గా, ఎనిమిదేళ్ల పాటు ఉపాధ్యక్షుడుగా సేవలు అందించారు. బైడెన్ రాజకీయ జీవితంపై వ్యక్తిగత విషాద ఘటనలు కూడా ఎంతో ప్రభావం చూపాయి.జో బైడెన్ 1972లో మొదటిసారి సెనేటర్‌గా ఎన్నికైన కొద్ది రోజులకే ఒక కారు ప్రమాదంలో ఆయన మొదటి భార్య, కూతురు మరణించారు.

ఆ రోడ్డు ప్రమాదం నుంచి సురక్షితంగా బయటపడ్డ తన ఇద్దరు కొడుకులు బ్యూ, హంటర్‌లను చూసుకుంటూ ఆస్పత్రిలో ఉన్న ఆయన అక్కడి నుంచే సెనేటర్‌గా మొదటిసారి ప్రమాణ స్వీకారం చేశారు.అయితే.2015లో బైడెన్ కొడుకు 46 ఏళ్ల బ్యూ బ్రెయిన్ కేన్సర్‌తో మరణించారు.అందుకే, ఆయన తన విధాన లక్ష్యాల్లో ఆరోగ్యం చాలా ముఖ్యమైనదిగా భావిస్తారు.

లైంగిక వేధింపులు:

గత సంవత్సరం 8 మంది మహిళలు బిడెన్ తమతో అనుచితంగా ప్రవర్తించారని, తాకరాని చోట తాకి కౌగిలించుకోవడం, ముద్దు పెట్టుకోవడం లాంటి పనులు చేశారనే ఆరోపణలు చేశారు.బిడెన్ ఆఫీసులో పని చేసిన తార రీడ్ అనే ఉద్యోగి 30 సంవత్సరాల క్రితం ఆయన తనని లైంగిక వేధింపులకు గురి చేశారని మార్చ్ నెలలో ఆరోపించారు.బిడెన్ ఈ ఆరోపణని ఖండించారు.

2021 జనవరిలో వైట్ హౌస్‌లోకి అడుగుపెట్టబతున్న 77 ఏళ్ల జో బైడెన్ ఇప్పుడు అమెరికాకు 46వ అధ్యక్షునిగా అసలు సిసలు సవాళ్లు ఎదుర్కోబోతున్నారు.ఇప్పటివరకూ అమెరికా అధ్యక్ష పదవి చేపట్టిన వారిలో అతి పెద్ద వయస్కుడు ఈయనే.సుదీర్ఘ రాజకీయ ప్రస్థానంలో వైట్ హౌస్ పీఠం కోసం బైడెన్ ఎంతో సంఘర్షణకు గురయ్యారు.

కానీ ఆయనకు అత్యంత కఠినమైన సవాళ్లు ముందు ముందు ఇంకా మిగిలే ఉన్నాయి.