క్రమశిక్షణ, ఐకమత్యం, కష్టం .ఇలాంటి పదాలు విన్నప్పుడు మనకు వెంటనే చీమలు గుర్తుకువస్తాయి.
ఎందుకంటే ఇవి కలసిమెలసి క్రమశిక్షణతో కష్టపడి పని చేస్తాయి.దాదాపు ప్రతీ ఇంట్లో కనబడే ఈ చీమల గురించి కొన్ని ఆసక్తికరమైన విషయాలు చదివి తెలుసుకోండి.
* చీమలు కందిరీగల నుంచి పుట్టుకొచ్చాయి.దాదాపు 10 కోట్ల సంవత్సరాల కిందట ఇవి కందిరీగలతో విడిపోయి ప్రత్యేక జీవులుగా మారాయట.
* మనుషులకి ముందే వ్యవసాయం ఎలా చేయాలో చీమలకి తెలుసు.
* చీమల్లో 11,880 జాతులు ఉన్నాయట.
ప్రపంచంలోని చీమల బరువు మొత్తం కలిపితే, మనుషుల బరువు కన్నా ఎక్కువే ఉంటుందట.
* చీమలు తమ బరువు కన్నా 50 రేట్లు ఎక్కువ బరువున్న వస్తువులను మోయగలవు.
* చీమలది రసాయనిక భాష.ఏం చెప్పాలనుకున్నా, శరీరంలోంచి “పెరోమోన్స్” విడుదల చేసి చెబుతాయి అవి.
* చీమలను రాణి చీమలు, శ్రామిక చీమలు, సైనిక చీమలు, కాపలా చీమలుగా విభిజించవచ్చు.రెక్కలు ఉండే రాణి చీమ గుడ్లు పెట్టడంతప్ప మరేపని చేయదు.
రాణితో చీమతో కలిసాక మగ చీమలు చనిపోతాయి.
* ఒక్కో పుట్టలో 80 లక్షల చీమలు నివసించగలవు.
పుట్టను సైనిక చీమలు రక్షిస్తూ ఉంటాయి.ఇవి శతృ చీమల సైన్యంతో యుద్ధం కూడా చేస్తాయి.
