వెనిగ‌ర్వంటకాల్లో ఫ్లేవర్ కోసం యూజ్ చేస్తార‌ని అంద‌రికీ తెలుసు.అయితే వంట‌ల‌కు మాత్ర‌మే వెనిగర్ యూజ్ అవుతుంద‌ని అనుకుంటే పొర‌పాటే.
ఎందుకంటే, వెనిగ‌ర్‌ను వంటల్లోనే కాదు ఎన్నో విధాలుగా ఉప‌యోగించుకోవ‌చ్చు.మ‌రి ఆల‌స్యం చేయ‌కుండా వెనిగర్ వ‌ల్ల ఏమేం ఉప‌యోగాలు ఉన్నాయో చూసేయండి.
సాధార‌ణంగా కొంద‌రి పాదాల నుంచి బ్యాడ్ స్మెల్ వ‌స్తుంటుంది.ముఖ్యంగా ప్ర‌స్తుత వ‌ర్షా కాలంలో ఈ స‌మ‌స్య మ‌రీ ఎక్కువ‌గా ఉంటుంది.అయితే ఒక బ‌కెట్ నీటిలో అర క‌ప్పు వెనిగర్ వేసి పాదాల‌ను పావు గంట పాటు ఆ నీటిలో ఉంచాలి.ఆ త‌ర్వాత మామూలు నీటితో పాదాల‌కు శుభ్రం చేసుకోవాలి.
ఇలా చేయ‌డంలో దుర్వాస‌న త‌గ్గ‌డ‌మే కాదు.ప‌గ్గులు కూడా పోయి పాదాల‌ను సున్నితంగా మార‌తాయి.
కోడి గుడ్ల‌ను ఉడికించేటప్పుడు కొన్ని ప‌గిలిపోయి తెల్ల సోన బయటకు వ‌చ్చేస్తుంది.అలా రాకుండా ఉండాలీ అంటే గుడ్లు ఉడికించేటప్పుడు ఆ నీటిలో వెనిగర్ కలపండి.ఇలా చేస్తే తెల సోన బయటకు రాకుండా ఉంటుంది.మ‌రియు గుడ్లు త్వ‌ర‌గా ఉడుకుతాయి.
అలాగే కూర‌ల్లో ఉప్పు లేదా కారం లేదా మ‌సాలాలు ఎక్కువైన‌ప్పుడు ఒక స్పూన్ వెనిగ‌ర్‌ను వేసి క‌లుపుకోవాలి.ఇలా చేస్తే కూర‌లో రుచి తటస్తం అవుతుంది.
కండ‌రాల నొప్పిని త‌గ్గించ‌డంలోనూ వెనిగర్ ఉప‌యోగ‌ప‌డుతుంది.ఒక గిన్నెలో రెండు గ్లాసుల గోరు వెచ్చ‌ని నీటిని తీసుకుని అందులో ఒక స్పూన్ వెనిగర్ వేసి మిక్స్ చేయాలి.
ఇప్పుడు ఈ నీటిలో ఒక కాట‌న్ క్లాత్‌ను ముంచి నొప్పి ఉన్న ప్రాంతంలో అద్దుకోవాలి.ఇలా చేస్తే మంచి ఫ‌లితం ఉంటుంది.
ఒక్కోసారి బ‌ట్ట‌ల‌పై ప‌డిన మ‌ర‌క‌లు వ‌ద‌ల‌నే వ‌ద‌ల‌వు.అలాంట‌ప్పుడు మ‌ర‌క‌ల‌పై వెనిగ‌ర్‌ను పూసి.
ఆ త‌ర్వాత వాష్ చేయాలి.ఇలా చేస్తే ఎటువంటి మొండి మ‌ర‌క‌లైనా మ‌టుమాయం అవుతాయి.
