మన పెరట్లో కనిపించే ఫలాల్లో సపోటా ఒకటి.దీన్ని చికూ అని కూడా అంటారు.
సపోటా త్వరగా శక్తినిచ్చే ఫలం.ఎందుకంటే దీంట్లో ఫ్రక్టోస్ మంచి మోతాదులో దొరుకుతుంది.యాంటిఆక్సిడెంట్స్ కూడా ఎక్కువే.మరి చాలా సులువుగా దొరుకే సపోటా ఎన్నోరకాలుగా మన శరీరానికి ఉపయోగపడుతుందో చూద్దామా!
* ఒక్క సపోటాలో 141 కాలారీలు, పిండిపదార్ధము 33.93 గ్రాములు, ప్రోటిన్లు 0.75 గ్రాములు, ఫైబర్ 9.01 గ్రాములు ఉంటుంది
* దీంట్లో పొటాషియం, సెలెనియం, మెగ్నీషియమ్, ఐరన్, కాల్షియం, సోడియం, జింక్ లాంటి మినరల్స్ దొరుకుతాయి
* అలాగే విటమిన్ ఏ,సి, బి6, ఫోలిక్ ఆసిడ్, విటమిన్ కే, ,విటమిన్ బి12 లభిస్తాయి.అంతేకాదు, ఒంటికి అవసరమైన అమినో ఆసిడ్స్ కూడా సపోటా సొంతం
* సపోటాలో ఉండే విటమిన్ ఏ కంటిచూపుకి మంచిది.
ఇందులో ఉండే విటమిన్ సి రోగనిరోధకశక్తిని పెంచుతుంది.కాల్షియం ఎముకల బలాన్ని పెంచుతుంది
* సపోటా తక్షణశక్తిని అందిస్తుంది.ఇందులో ఉండే ఫ్రక్టోస్ లెవెల్స్, ప్రోటీన్‌లు ఆ శక్తికి కారణం.ఏమాత్రం అలసటగా అనిపిపించినా ఓ మూడు నాలుగు సపోటాలను తినడం మంచిది
* తెనేతో పాటు సపోటాను సేవిస్తే శృంగార సమస్యలను దూరం పెట్టవచ్చును.
శీఘ్రస్కలన సమస్యలకు, శృంగార సామర్థ్యం పెంచుకోవడానికి సపోటా, తేనేల కలయిక ఉపయోగకరం
* రక్తహీనతతో బాధపడేవారు కూడా సపోటాను తింటూ ఉండాలి.అయితే, షుగర్ లెవెల్స్ తో బాధపడేవారు మాత్రం కాస్త ఆలోచించి తినాలి.
డాక్టర్ ని సంప్రదించి ఎంత తినాలో తెలుసుకుంటే మంచిది
* ఫైబర్ కంటెంట్ కూడా ఉండటం వలన ఇది జీర్ణక్రియను క్రమబద్ధంగా ఉంచుతుంది.అంతేకాదు, ఇందులో యాంటి ఫంగల్, యాంటి బ్యాక్టీరియా లక్షణాలు కూడా ఉంటాయి.
ఎదిగే పిల్లలకు సపోటా తినిపిస్తూ ఉండటం మంచిది.
