నందమూరి బాలకృష్ణ నటిస్తున్న లేటెస్ట్ మూవీ ఇప్పటికే షూటింగ్ మొదలుపెట్టుకున్న సంగతి తెలిసిందే.ఈ సినిమాను మాస్ చిత్రాల దర్శకుడు బోయపాటి శ్రీను డైరెక్ట్ చేస్తుండటంతో ఈ సినిమాపై అంచనాలు భారీగా క్రియేట్ అయ్యాయి.
ఇక ఈ సినిమాకు సంబంధించిన టీజర్‌ను ఇటీవల రిలీజ్ చేయగా దానికి అదిరిపోయే రెస్పాన్స్ దక్కింది.కాగా ఈ సినిమాలో హీరోయిన్ ఎవరనే విషయంపై చిత్ర వర్గాల్లో ఓ ఆసక్తికరమైన వార్త వినిపిస్తోంది.
బాలయ్య లాంటి హీరో పక్కన ఓ సీనియర్ హీరోయిన్ అయితే బాగుంటుందని చిత్ర యూనిట్ భావించింది.ఇప్పటికే ఈ సినిమాలో ఓ కొత్త హీరోయిన్‌ను తీసుకున్నామని చిత్ర యూనిట్ ప్రకటించిన సంగతి తెలిసిందే.
అయితే ఈ సినిమాలో బాలయ్య రెండు విభిన్న పాత్రల్లో నటిస్తుండటంతో మరో హీరోయిన్‌గా తమిళ బ్యూటీ అమలా పాల్‌ను తీసుకోవాలని చిత్ర యూనిట్ భావిస్తోంది.దీంతో ఆమెను ఈ సినిమాలో నటించేందుకు చిత్ర యూనిట్ అమలా పాల్‌ను సంప్రదించారట.
అయితే ఈ విషయంపై ఇంకా అఫీషియల్ క్లారిటీ రావాల్సి ఉంది.గతంలో ‘ఆమె’ వంటి సినిమాతో ప్రేక్షకులను మెప్పించిన ఈ బ్యూటీ, ప్రస్తుతం తమిళంలో పెద్దగా ఆఫర్‌లు లేకపోవడంతో తెలుగులో నటించేందుకు ఆసక్తి చూపుతున్నట్లు తెలుస్తోంది.
మరి బాలయ్య వంటి స్టార్ హీరో సినిమాకు ఆమె ఓకే చెబుతుందా లేదా అనేది చూడాలి.
