టాలీవుడ్‌లో అల్లుడు శ్రీను చిత్రంతో హీరోగా ఎంట్రీ ఇచ్చిన బెల్లంకొండ శ్రీనివాస్, ఆ తరువాత వరుసబెట్టి సినిమాలు చేస్తూ వస్తున్నాడు.ప్రముఖ నిర్మాత బెల్లంకొండ సురేష్ కొడుకుగా ఇండస్ట్రీలో అడుగుపెట్టినా తనకంటూ మంచి గుర్తింపు తెచ్చుకునేందుకు తెగ కష్టపడుతున్నాడు.
రీసెంట్‌గా రాక్షసుడు సినిమాతో అదిరిపోయే హిట్ అందుకున్నాడు.
అయితే తాజాగా అల్లుడు అదుర్స్ అనే సినిమాతో మరోసారి ప్రేక్షకులను అలరించేందుకు రెడీ అవుతున్నాడు.
సంతోష్ శ్రీనివాస్ డైరెక్ట్ చేస్తున్న ఈ సినిమాలో బెల్లంకొండ బాబు సరికొత్త లుక్‌లో కనిపిస్తాడు.ఈ సినిమాలో ఇస్మార్ట్ బ్యూటీ నిధి అగర్వాల్ ఓ హాట్ ఐటెం సాంగ్‌లో నటించనుంది.
ఇక ఈ సినిమా కథ చాలా పవర్‌ఫుల్‌గా ఉండనున్నట్లు తెలుస్తోంది.ఈ కథను పూర్తి యాక్షన్ ఎంటర్‌టైనర్‌గా తీర్చిదిద్దుతున్నాడట డైరెక్టర్.
మొత్తానికి ఈసారి యాక్షన్ ఎంటర్‌టైనర్ మూవీతో అల్లుడు అదుర్స్ అనిపించడం ఖాయమని అంటున్నారు చిత్ర యూనిట్.నభా నటేష్, అను ఇమ్మాన్యుయెల్ హీరోయిన్లుగా నటిస్తున్న ఈ సినిమా షూటింగ్ ప్రస్తుతానికి వాయిదా పడింది.
