లవ్‌లో ఫెయిల్ అయిన అభిమానిని ఓదార్చిన అల్లు శిరీష్!

టాలీవుడ్ యంగ్ హీరో అల్లు శిరీష్ గురించి అందరికీ తెలిసిందే.తన నటనతో మంచి గుర్తింపు తెచ్చుకున్నాడు.

కాని స్టార్ హీరోగా నిలవలేకపోయాడు.బాల నటుడిగా సిని ఇండస్ట్రీకి ఎంట్రీ ఇచ్చిన అల్లు శిరీష్ 2013లో గౌరవం సినిమాలో తొలిసారిగా హీరోగా నటించాడు.

ఆ తర్వాత కొత్త జంట, శ్రీరస్తు శుభమస్తు సినిమాలో నటించి తన నటనకు మంచి సక్సెస్ అందుకున్నాడు.ఇదిలా ఉంటే ఈయన తాజాగా లవ్ లో ఫెయిల్ అయిన ఓ అభిమానిని ఓదార్చాడు.

సోషల్ మీడియాలో కూడా బాగా ఎనర్జీ గా కనిపిస్తాడు.తన సంబంధించిన ఫోటోలను, సినిమా విషయాలను బాగా పంచుకుంటాడు.

అంతే కాకుండా తన కుటుంబంలో ఏదైనా శుభకార్యం జరిగినా ఆ ఫోటోలను వెంటనే పంచుకుంటాడు అల్లు శిరీష్.ఇక తనకు సోషల్ మీడియాలో విపరీతమైన ఫ్యాన్ ఫాలోయింగ్ కూడా ఉంది.

అభిమానులతో అప్పుడప్పుడు ముచ్చట్లు కూడా పెడుతుంటాడు.

ఇదిలా ఉంటే శిరీష్ నటించిన శ్రీరస్తు శుభమస్తు సినిమాలో.

శిరీష్ ప్రేమలో ఓడిపోయిన వారిని ఉద్దేశిస్తూ ఓ డైలాగ్ చెప్పిన సంగతి తెలిసిందే.లైఫ్ లో ఎవరిని ఎక్కువగా ప్రేమించకూడదు.ఏదో తెలియకుండానే బ్యాగేజ్ మోస్తున్న ఫీలింగ్.మన క్యారెక్టర్ ని మనమే తెలియకుండా చంపేసుకుంటున్నాం అంటూ ఓ డైలాగ్ చెప్పగా.ఇక ఆ డైలాగ్ నే తాజాగా ఓ అభిమాని తన సోషల్ మీడియా వేదికగా షేర్ చేశాడు.

సేమ్ ఫీలింగ్ అంటూ అల్లు శిరీష్ ను ట్యాగ్ చేశాడు.వెంటనే అల్లు శిరీష్ ఈ మాటకు స్పందించి.అయ్యో ఏమి జరిగింది బ్రో అంటూ.

అది కేవలం సినిమాలో డైలాగ్ మాత్రమే.అంతే కానీ నీ ప్రేమని వదులుకోకు.

కచ్చితంగా సరైనది నీ దగ్గరికి వస్తుంది అని స్పందించాడు.దీంతో ప్రస్తుతం ఈ పోస్ట్ నెట్టింట్లో వైరల్ గా మారింది.

ఇక ఆయన ప్రస్తుతం ప్రేమ కాదంట అనే సినిమాలో నటిస్తున్న సంగతి తెలిసిందే.